كونكيمەن جۇگىرۋدەن ءاچ: الينا داۋرانوۆا رەكوردتتى جاڭارتتى

كانادانىڭ كالگاري قالاسىندا كونكيمەن جۇگىرۋدەن ءوتىپ جاتقان الەم چەمپيوناتىندا قازاقستان ۇلتتىق قۇراما كومانداسىنىڭ سپورتشىسى الينا داۋرانوۆا ءوزىنىڭ جەكە رەكوردىن جاڭارتتى.

الينا داۋرانوۆا — قاجىمۇقان مۇڭايتپاسوۆ اتىنداعى مەكتەپ-ينتەرنات-كوللەدجدىڭ 2-كۋرس ستۋدەنتى. ول 1 000 مەترگە جۇگىرۋ جارىسىندا وسى قاشىقتىقتى 1 مينۋت 15،24 سەكۋندتا جۇگىرىپ، مارەگە جەتتى.

جالپى، وسى ديستانتسيادا داۋرانوۆا 13-ورىندى يەلەنىپ، قالعان ءوز كوماندالىق ارىپتەستەرى اراسىندا ەڭ ۇزدىك ناتيجەگە جەتتى.

بىلتىر اقپان ايىندا الينا داۋرانوۆا 18 جاسىندا گەرمانيانىڭ ينتسەل قالاسىندا وتكەن جاسوسپىرىمدەر اراسىنداعى الەم كۋبوگىنىڭ فينالىندا التىن مەدال جەڭىپ الدى. ول 1 000 مەتر قاشىقتىقتى 1 مينۋت 17،98 سەكۋندتا جۇگىرىپ، مارەگە ءبىرىنشى بولىپ جەتتى.

ارداق توعىموۆ،

استانا