رىباكينا تۋرنيردە ويناۋدان باس تارتتى

بىرىككەن اراب امىرلىكتەرىنىڭ دۋباي قالاسىندا تەننيستەن ءوتىپ جاتقان Dubai Duty Free Tennis Championships WTA ءتۋرنيرىن اسقازان-ىشەك جولى اۋرۋىنا بايلانىستى جالعاستىرۋدان باس تارتتى.

كەشە ەلىمىزدىڭ ءبىرىنشى راكەتكاسى پولشا وكىلى ماگدالەنا فرەنحتتى جەڭىپ، دۋباي WTA 1000 دوداسىنىڭ شيرەك فينالىنا شىققان بولاتىن. ¼ فينالدا رىباكينا الەمنىڭ 26-راكەتكاسى يتاليالىق ياسمينا پاولينيمەن كەزدەسۋى كەرەك ەدى.

وسىلايشا جارتىلاي فينالعا يتاليالىق ياسمين پاوليني جارتىلاي فينالعا جولداما الدى.

قاتارىنان ءۇش تۋرنيردە ونەر كورسەتۋ وڭاي ەمەس. ورگانيزم شارشاعاندىقتان جاراقات الىپ قالدى. بارلىعى ويداعىداي بولسا 6 ناۋرىزدا بولاتىن ينديان-ۋەللس جانە 19 ناۋرىزداعى Miami Masters تۋرنيرىنە قاتىسادى. ەلەنا رىباكينا ەكى اپتادا جازىلادى دەگەن ويدامىز. بىراق ول ءۇشىن بيىل ەڭ باستى جارىس – پاريجدە وتەتىن جازعى وليمپيادا ويىندارى، – دەدى تەننيس فەدەراتسياسىنىڭ ءباسپاسوز حاتشىسى اسقار اعاتاەۆ.

بيىلعى ءتۋرنيردىڭ جۇلدە قورى 3،2 ملن اقش دوللارىنان اسادى. بۇل جۇلدە رىباكيناعا بۇيىرماي وتىر.

دەگەنمەن ەلەنا رىباكينا دۋبايدا ءوتىپ جاتقان WTA 1000 تۋرنيرىندە شيرەك فينالعا جولداما الىپ، تەننيسشىلەر اراسىندا سوڭعى 10 جىلدا ¼ فينالعا شىققان ءۇش تەننيسشىنىڭ ءبىرى اتاندى.

ەلىمىزدىڭ ءبىرىنشى راكەتكاسى ەلەنا رىباكينا جىل باسىنان بەرى بەسىنشى رەت WTA ءتۋرنيرىنىڭ شيرەك فينالىنا شىقتى.

بۇعان دەيىن  يسپانيالىقتار كارلا سۋارەس-ناۆاررو (2015) مەن گاربينە مۋگۋرۋسا (2020) رىباكينا سياقتى حالىقارالىق تۋرنيردە قاتارىنان بەس رەت 1/فينالعا جولداما العان بولاتىن.

بيىلعى ماۋسىمدى ەلەنا رىباكينا جاقسى باستاعان ەدى. ول اۋستراليانىڭ بريسبەن مەن ءباا-ءنىڭ ابۋ-دابي قالاسىندا وتكەن WTA ءتۋرنيرىنىڭ جەڭىمپازى اتانسا، جاسىل قۇرلىق ەلىنىڭ تاعى ءبىر قالاسى – ادەلايدادا  شيرەك فينالعا دەيىن جەتتى. ال دوحادا WTA 1000 جارىسىنىڭ فينالىندا ونەر كورسەتتى.

داستان كەنجالين،

استانا