Rybakına týrnırde oınaýdan bas tartty

Birikken Arab Ámirlikteriniń Dýbaı qalasynda tennısten ótip jatqan Dubai Duty Free Tennis Championships WTA týrnırin asqazan-ishek joly aýrýyna baılanysty jalǵastyrýdan bas tartty.

Keshe elimizdiń birinshi raketkasy Polsha ókili Magdalena Frenhtti jeńip, Dýbaı WTA 1000 dodasynyń shırek fınalyna shyqqan bolatyn. ¼ fınalda Rybakına álemniń 26-raketkasy ıtalııalyq Iasmına Paolınımen kezdesýi kerek edi.

Osylaısha jartylaı fınalǵa ıtalııalyq Iasmın Paolını jartylaı fınalǵa joldama aldy.

Qatarynan úsh týrnırde óner kórsetý ońaı emes. Organızm sharshaǵandyqtan jaraqat alyp qaldy. Barlyǵy oıdaǵydaı bolsa 6 naýryzda bolatyn Indıan-Ýells jáne 19 naýryzdaǵy Miami Masters týrnırine qatysady. Elena Rybakına eki aptada jazylady degen oıdamyz. Biraq ol úshin bıyl eń basty jarys – Parıjde ótetin jazǵy Olımpıada oıyndary, – dedi Tennıs federaııasynyń baspasóz hatshysy Asqar Aǵataev.

Bıylǵy týrnırdiń júlde qory 3,2 mln AQSh dollarynan asady. Bul júlde Rybakınaǵa buıyrmaı otyr.

Degenmen Elena Rybakına Dýbaıda ótip jatqan WTA 1000 týrnırinde shırek fınalǵa joldama alyp, tennısshiler arasynda sońǵy 10 jylda ¼ fınalǵa shyqqan úsh tennısshiniń biri atandy.

Elimizdiń birinshi raketkasy Elena Rybakına jyl basynan beri besinshi ret WTA týrnıriniń shırek fınalyna shyqty.

Buǵan deıin  ıspanııalyqtar Karla Sýares-Navarro (2015) men Garbıne Mýgýrýsa (2020) Rybakına sııaqty halyqaralyq týrnırde qatarynan bes ret 1/fınalǵa joldama alǵan bolatyn.

Bıylǵy maýsymdy Elena Rybakına jaqsy bastaǵan edi. Ol Aýstralııanyń Brısben men BAÁ-niń Abý-Dabı qalasynda ótken WTA týrnıriniń jeńimpazy atansa, jasyl qurlyq eliniń taǵy bir qalasy – Adelaıdada  shırek fınalǵa deıin jetti. Al Dohada WTA 1000 jarysynyń fınalynda óner kórsetti.

Dastan KENJALIN,

ASTANA