Гимнасшылар Мұсабаев пен Әлиев Әлем кубогының күміс иегері атанды

Әзербайжанның Баку қаласында өткен батуттағы гимнастикадан Әлем кубогы кезеңінде Данил Мұсабаев пен Пірмаммад Әлиев күміс медаль иеленді, деп хабарлады olympic.kz.

Олар финалда 50 520 ұпай жинап, екінші орынға табан тіреді.

Алтын медальді Қытай спортшылары (51.090), қола жүлдені АҚШ құрамасы жеңіп алды.

Әлем кубогы кезеңдерінде Париж Олимпиадасына жолдама беруде есепке алынатын рейтингілік ұпайлар сарапқа салынады.