Astanaǵa Parıj Olımpıadasynyń boıtumary keldi

Týrızm jáne sport mınıstri Ermek Marjyqpaev Franııanyń Qazaqstandaǵy tótenshe jáne ókiletti elshisi Dıde Kanesspen kezdesti, dep habarlady vedomstvo.

Kezdesý Parıjdegi jazǵy Olımpıada jáne Paralımpıadaǵa daıyndyq jónindegi shtabta boldy.

Onda eki eldiń ókilderi aldaǵy Olımpııalyq oıyndardy uıymdastyrý men ótkizýdi talqylady. Franııa elshisi mınıstrge  Olımpıadanyń resmı boıtumaryn tabys etip, Astanada Parıjdegi oıyndarǵa arnalǵan mýral salý týraly josparyn aıtty.

Franııa 2022 jyldan beri dúrmekti dodanyń qarsańynda Olımpıada qaǵıdattaryn nasıhattaý maqsatynda «álem boıynsha estafeta» sporttyq is-sharasyn ótkizip keledi. Mınıstrlik bul bastamany jyl saıyn qoldaıdy.  Bıyl naýryz aıyna josparlanǵan estafetany uıymdastyrýǵa kómektesýge daıyn. Mınıstr osy is-shara kezinde  Parıjdegi Olımpıadaǵa bılet utysyn uıymdastyrýdy usyndy.

Keıingi jyldary Qazaqstan men Franııa sportshylary túrli deńgeıdegi jarystarǵa qatysyp, birlesken oqý-jattyǵý jıyndaryn ótkizip keledi. Qazaqstan quramasy 2-6 aqpanda Parıj qalasynda ótken dzıýdodan Grand Slam jarysyna qatysyp, qola medal jeńip aldy. Úsh dúrkin Olımpıada chempıony, 12 dúrkin álem chempıony, 5 dúrkin Eýropa chempıony Teddı Rıner Qazaqstan quramasymen birge oqý-jattyǵý jıyndaryna qatysty.

Mınıstr Almaty oblysyndaǵy respýblıkalyq olımpıadalyq daıyndyq bazasynda eki el sportshylary arasynda birlesken oqý-jattyǵý jıyndaryn ótkizýge nıetti ekenin jetkizdi. Sondaı-aq vedomstvo basshysy franııalyq delegaııany jáne sportshylaryn V Dúnıejúzilik kóshpendiler oıyndaryna qatysýǵa shaqyrdy.

Sondaı-aq Ermek Marjyqpaev yntymaqtastyqtyń basym baǵyttarynyń biri týrızm ekenin atap ótti.

Franııa – búkil álemdegi týrıster úshin eń tartymdy eldiń biri. Kóptegen mýzeı, ortaǵasyrlyq ǵımarattar, tabıǵı landshafttyń tańǵajaıyp áralýandaǵy kez kelgen týrısti beı-jaı qaldyrmaıtyny sózsiz. Bizdiń elimiz de qolaıly geografııalyq jaǵdaıǵa ıe ekenin aıtqym keledi. Erekshe qorǵalatyn tabıǵı aımaqtar el aýmaǵynyń 10%-dan astam jerin alyp jatyr. Qazaqstanda zamanaýı týrıske qajet dúnıeniń bári bar dep senimmen aıta alamyn. Biz Franııadan kelgen týrısterdi qabyldaýǵa jáne elimizdiń biregeı tabıǵatyn kórsetýge daıynbyz, — dedi Ermek Marjyqpaev.

Mınıstr Qazaqstan men Franııa arasyndaǵy týrıstik aǵymdy odan ári ulǵaıtý úshin tikeleı reısterdi iske qosý jáne Qazaqstan azamattaryna týrıstik vızalar berý rásimin jeńildetý múmkindigin qarastyrýdy usyndy.

Kezdesý sońynda Franııa elshisi Dıde Kaness eki eldiń týrızm jáne sport salasyndaǵy yntymaqtastyǵyna qyzyǵýshylyq bildirip, Qazaqstan sportshylaryna Parıjdegi Olımpııa oıyndarynda tabysty óner kórsetýin tiledi.