Memleket basshysy Aiqyn men «Lıter» gazetterin 20 jyldyq mereıtoıymen quttyqtady 

Memleket basshysy Qasym-Jomart Toqaev Aiqyn men «Lıter» gazetterin 20 jyldyq mereıtoıymen quttyqtady. Bul týraly Qazaqstan Respýblıkasy prezıdentiniń baspasóz hatshysy-prezıdenttiń keńesshisi Berik Ýálı habarlady.

Otandyq aqparat keńistiginde oıyp turyp oryn alǵan, búginde qazaqstandyq jýrnalıstıkanyń sheberlik mektepterine aınalǵan, egiz qozydaı Aiqyn men «Lıter» gazetteriniń oqyrmanmen qaýyshqanyna 20 jyl tolypty. Qos basylym osy ýaqyt aralyǵynda zamananyń únine, qoǵamnyń aınasyna aınaldy. Taqyrypty tarqatyp jazar taldaýlarymen, salmaqty saraptamalarymen, súıekti suhbattarymen tanyldy. Búginde Aiqyn men «Lıter» — elimizdegi kóshbasshy gazetterdiń biri hám biregeıi, — delingen quttyqtaý hatta dedi Berik Ýálı.

Ol memleket basshysynyń gazetterdiń órkendeı berýine tilektes ekenin aıtyp, Aiqyn men «Lıter» basylymdarynyń aldaǵy ýaqytta da el damýyna eleýli úles qosa beretinine senim bildirdi.

Buǵan deıin prezıdent Qasym-Jomart Kemeluly talantty jýrnalıst, belgili medıamenedjer Talǵat Eshenuly basqaratyn «Aıqyn-Lıter» JShS-nyń quramyna kiretin Turkistan aptalyǵyn da 20 jyldyq mereıtoıymen quttyqtaǵan bolatyn.

facebook.com/Berik Ýálı