سۋ سپورتىنان اچ: قازاقستان كوركەم جۇزۋدەن ەكى التىن مەدال الدى

ءفيليپپيننىڭ نيۋ-كلارك-سيتي قالاسىندا سۋ سپورتىنان ءوتىپ جاتقان ازيا چەمپيوناتىندا كوركەم ءجۇزۋ جارىسىنىڭ 13-15 جاس جانە 15-19 جاس ارالىعىنداعى ەركىن باعدارلاما سايىسىندا دايانا جامانشالوۆا مەن كارينا ماگرۋپوۆا ۇزدىك ناتيجە كورسەتىپ، التىن مەدال جەڭىپ الدى.

دايانا جامانشالوۆا 233.5386 ۇپاي جيناسا، كارينا ماگرۋپوۆا  404.0525 ۇپاي يەلەندى.

سۋ دوبىنان قازاقستان جاستار قۇراماسى توپتىق كەزەڭنىڭ ەكىنشى ويىنىندا سينگاپۋر كومانداسىمەن كەزدەسىپ، 16:9 ەسەبىمەن جەڭىسكە جەتتى.

قازاقستان قۇراماسىندا پانتەلەەۆ بەس گول سالسا، نۇرتازا مەن گريبوۆ ءۇش رەت دوپتىڭ اۆتورى اتاندى. ال بەلوۋسوۆ ەكى رەت قاقپانى ءدال كوزدەسە، قۇبايدوللا، ساتبەرگەن مەن بالتابەك ۇلى ءبىر-بىردەن دوپتى تورعا توعىتتى.

قازاقستان كومانداسىمەن بىرگە ۆ توبىندا سينگاپۋر، شري-لانكا، يران جانە مالايزيا قۇرامالارى ويناپ جاتىر.

ا توبىندا قىتاي، جاپونيا، وزبەكستان، ساۋد ارابياسى، تايلاند كوماندالارى كۇش سىناسىپ جاتىر.

سۋ دوبىنان قىزدار قۇراماسى ەكىنشى كەزدەسۋدە جاپونياعا 16:26 ەسەبىمەن ەسە جىبەردى.
قازاقستان قۇراماسىندا گولدارىنىڭ اۆتورلارى دارينا سەمبەك ءۇش رەت قارسىلاستار قاقپاشىسىنان ايلاسىن اسىرسا ، يانا سمولينا، انفيسا جۋراۆلەۆا، الينا وزكايا، يانا مارتىنوۆا، انگەلينا لەماچكو مەن يۋليا درۋجينينا ەكى رەت  گول سالىپ، كوزگە ءتۇستى. اريادنا زاتىلنيكوۆا ءبىر گولدىڭ اۆتورى بولدى.

چەمپيوناتقا قاتىسىپ جاتقان قازاقستان، جاپونيا، تايلاند، وزبەكستان، سينگاپۋر، شري-لانكا، قىتاي كوماندالارى چەمپيون مەن جۇلدەگەرلەردى اينالمالى جۇيە بويىنشا انىقتايدى.

داستان كەنجالين،

استانا