Sý sportynan ACh: Qazaqstan kórkem júzýden eki altyn medal aldy

Fılıppınniń Nıý-Klark-Sıtı qalasynda sý sportynan ótip jatqan Azııa chempıonatynda kórkem júzý jarysynyń 13-15 jas jáne 15-19 jas aralyǵyndaǵy erkin baǵdarlama saıysynda Daıana Jamanshalova men Karına Magrýpova úzdik nátıje kórsetip, altyn medal jeńip aldy.

Daıana Jamanshalova 233.5386 upaı jınasa, Karına Magrýpova  404.0525 upaı ıelendi.

Sý dobynan Qazaqstan jastar quramasy toptyq kezeńniń ekinshi oıynynda Sıngapýr komandasymen kezdesip, 16:9 esebimen jeńiske jetti.

Qazaqstan quramasynda Panteleev bes gol salsa, Nurtaza men Grıbov úsh ret doptyń avtory atandy. Al Beloýsov eki ret qaqpany dál kózdese, Qubaıdolla, Satbergen men Baltabekuly bir-birden dopty torǵa toǵytty.

Qazaqstan komandasymen birge V tobynda Sıngapýr, Shrı-Lanka, Iran jáne Malaızııa quramalary oınap jatyr.

A tobynda Qytaı, Japonııa, О́zbekstan, Saýd Arabııasy, Taıland komandalary kúsh synasyp jatyr.

Sý dobynan qyzdar quramasy ekinshi kezdesýde Japonııaǵa 16:26 esebimen ese jiberdi.
Qazaqstan quramasynda goldarynyń avtorlary Darına Sembek úsh ret qarsylastar qaqpashysynan aılasyn asyrsa , Iana Smolına, Anfısa Jýravleva, Alına Ozkaıa, Iana Martynova, Angelına Lemachko men Iýlııa Drýjınına eki ret  gol salyp, kózge tústi. Arıadna Zatylnıkova bir goldyń avtory boldy.

Chempıonatqa qatysyp jatqan Qazaqstan, Japonııa, Taıland, О́zbekstan, Sıngapýr, Shrı-Lanka, Qytaı komandalary chempıon men júldegerlerdi aınalmaly júıe boıynsha anyqtaıdy.

Dastan KENJALIN,

ASTANA