كينوماتوگرافشىلار حالىقارالىق ساراپشىلاردان تەگىن ءبىلىم الا الادى

Alternativa Film Labs ورتالىق ازيادا Development Lab باعدارلاماسىنىڭ اياسىندا كينەماتوگرافشىلارعا بىرەگەي مۇمكىندىكتەر بەرەتىن ءبىلىم بەرۋ باعدارلامالارىنىڭ جاڭا سەرياسىنىڭ باستالعانى تۋرالى حابارلادى.

كوممەرتسيالىق ەمەس Alternativa Film جوباسىنىڭ نەگىزگى باعىتتارىنىڭ ءبىرى — ءوز ەلدەرىنىڭ كينويندۋسترياسىن دامىتۋعا جانە الەۋمەتتىك ماسەلەلەردى زەرتتەۋگە ۇمتىلعان، كاسىبي دامۋ جولىنىڭ ءارتۇرلى كەزەڭدەرىندەگى كينورەجيسسەرلەر ءۇشىن Alternativa Film Labs تەگىن ءبىلىم بەرۋ باعدارلامالارى.

2024 جىلى Alternativa Film Labs ورتالىق ازيادا ءۇش كينوزەرتحانادان تۇراتىن بولادى. اتاپ ايتقاندا، Teen Lab، Impact Lab جانە Development Lab. Development Lab-قا قاتىسۋعا وتىنىمدەردى قابىلداۋ 1 ناۋرىزدا باستالىپ، 28 ساۋىرگە دەيىن جالعاسادى.

Development Lab شىعارماشىلىق زەرتحاناسى ستسەناري مەن پروديۋسەرلىك داعدىلارىن دامىتقىسى كەلەتىن جانە جاڭا كاسىبي بايلانىستار ورناتۋدى قالايتىن ورتالىق ازيا ەلدەرىنىڭ كينەماتوگرافشىلارىنا ارنالعان.

زەرتحانانىڭ ماقساتى — بولاشاقتا الەۋەتتى سەرىكتەستەر مەن حالىقارالىق كينو ينستيتۋتتارىنا، سونداي-اق وڭىردەگى تاپسىرىس بەرۋشىلەر مەن پروديۋسەرلەرگە ۇسىنۋ ءۇشىن كينوجوبا ازىرلەۋ.

Development Lab وقىتۋشىلارى رەتىندە حالىقارالىق فەستيۆالدەردىڭ رەجيسسەرلەرىنەن باستاپ تابىستى پروديۋسەرلەر مەن حالىقارالىق ساراپشىلارعا دەيىن وسى سالادا مول تاجىريبەسى بار كينو پراكتيكتەرى بولادى. ولاردىڭ ىشىندە، مىسالى، Abbout Productions كينوكومپانياسىنىڭ پروديۋسەرى، رەجيسسەر جانە دوحا كينو ينستيتۋتىنىڭ وقىتۋشىسى ميريام ساسسين (ليۆان) بار.

Development Lab باعدارلاماسى پروديۋسەرلىك جانە ستسەناري سەكتسيالارى بويىنشا وقىتۋدى قامتيدى. پروديۋسەرلىك ءبولىم جوبانى يدەيادان كەرەكتى قارجىلاندىرۋدى ىزدەۋ ءۇشىن  قۇجاتتامانىڭ تولىق پاكەتىنە دەيىن جوبالاردى دامىتۋعا كومەكتەسەدى. ستسەناري ءبولىمى تولىق مەتراجدى كوركەم فيلمدەردىڭ ستسەناريلەرىن ازىرلەيدى. سەكتسيالار ءبىر مەزگىلدە بولىپ، ءۇش ءمودۋلدى قامتيدى. ءبىرىنشىسى  ماۋسىم ايىنىڭ باسىندا بۇحارادا (وزبەكستان) بولادى. ەكىنشىسى  ونلاين نەگىزدە تامىز ايىنىڭ سوڭىندا، ال سوڭعىسى قازان ايىنىڭ سوڭىندا الماتىدا (قازاقستان) جوسپارلانىپ وتىر.

ۇزاق وقۋ باعدارلامالارى — ءبىزدىڭ ءبىلىم بەرۋ باستامالارىمىزدىڭ نەگىزگى ەلەمەنتى. ءبىز Development Lab جوباسىندا ورتالىق ازيادان كەلگەن كينورەجيسسەرلەردىڭ داعدىلارىن دامىتىپ قانا قويماي، سونىمەن قاتار كاسىبي قوعامداستىق قۇرامىز. قاتىسۋشىلار ءوز جوبالارىنا قارجىلاندىرۋدى، ال پروديۋسەرلەر ينۆەستيتسيا ءۇشىن قىزىقتى يدەيالار تابا الادى. باعدارلامانىڭ ماڭىزدى كەزەڭى — جوبالار پيتچينگى. وعان ءبىز كينويندۋستريا ساراپشىلارىن شاقىرامىز. ولار مىقتى قاۋىمداستىق قۇرۋعا جانە ورتالىق ازيا كينوسىنىڭ جاڭا تولقىنىن قالىپتاستىرۋعا مۇرىندىق بولادى، — دەدى Alternativa Film Labs باسشىسى اننا گۋدكوۆا.

Development Lab-قا قازاقستان، قىرعىزستان، وزبەكستان، تاجىكستان مەن تۇركىمەنستاننىڭ باستاپقى ساتىسىندا تولىق مەتراجدى كوركەم فيلمدەرى بار كينەماتوگرافشىلارى قاتىسا الادى. سونىمەن قاتار ءار بولىمدە ءالى كينو جوباسى جوق، دەگەنمەن كينويندۋستريادا باعىن سىناپ كورگىسى كەلەتىن ادەبيەت، جۋرناليستيكا، دراماتۋرگيا، بەينەلەۋ ونەرى نەمەسە ۆيدەوبلوگينگ سالاسىنداعى اۆتورلار ءۇشىن ورىندار قاراستىرىلعان. مۇنداي قاتىسۋشىلار ارىپتەستەرىنىڭ جوبالارىندا جۇمىس ىستەيدى. باعدارلاماعا بارلىعى 20 ادام عانا قاتىسا الادى ء(اار ءبولىم بويىنشا 10 ادامنان كوپ ەمەس). باعدارلاما جول ءجۇرۋ جانە تۇرۋ شىعىندارىن كوتەرەدى. تولىق اقپاراتتى alternativa.film سايتىنان الۋعا بولادى.

ىرىكتەۋ ناتيجەلەرى 16 مامىردا جاريالانادى.

Alternativa Film Project — inDrive جاھاندىق تەحنولوگيالىق كومپانياسى ورتالىق ازيادا 2023 جىلى باستاعان حالىقارالىق كوممەرتسيالىق ەمەس جوبا. جوبا دامىپ كەلە جاتقان كينويندۋستريانىڭ كينورەجيسسەرلەرىن قولداۋ جانە ىلگەرىلەتۋ ءۇشىن قۇرىلعان. ونىڭ ميسسياسى — جۇمىستارى الەم تۋرالى تۇسىنىگىمىزدى كەڭەيتىپ، جاقسى جاققا وزگەرتۋگە كومەكتەسەتىن اۆتورلاردى حالىقارالىق ارەنادا بەلگىلى ەتۋ، ولاردى كاسىبي ءوسۋى ءۇشىن رەسۋرستارمەن قامتاماسىز ەتۋ جانە جەرگىلىكتى كينويندۋستريا مەن قاۋىمداستىقتىڭ دامۋىنا كۇشتى سەرپىن بولۋ.

Alternativa Film Labs – اۆتورلارعا جوبالارىن نىعايتۋعا، اۋديتورياسىن كەڭەيتۋگە جانە ءبىلىم نەمەسە قارجى جەتكىلىكسىزدىگىنەن ەكراندا ءالى كورسەتىلمەگەن ماڭىزدى وقيعالاردى ايتۋعا كومەكتەسەتىن فيلم ءتۇسىرۋ جانە الەۋمەتتىك باستامالار بويىنشا داعدىلار مەن قۇرالداردى وقىتۋدى قامتاماسىز ەتەتىن كينوماتوگرافشىلارعا ارنالعان اقىسىز ءبىلىم بەرۋ باعدارلامالارى.

2023 جىلى Alternativa Film Labs كومانداسى الماتىدا يمپاكت-زەرتحانا (Impact Lab) مەن ورتالىق ازيادان كەلگەن پروديۋسەرلەر مەن رەجيسسەرلەر ءۇشىن پيتچينگ بويىنشا ونلاين كۋرس (Pitching Training)، سونداي-اق بىشكەكتە جاسوسپىرىمدەرگە ارنالعان كينو شەبەرحاناسىن (Teen Lab) وتكىزدى.

باعدارلاما وقىتۋشىلارى مەن تالىمگەرلەرىنىڭ قاتارىندا ادام قۇقىقتارى مەن الەۋمەتتىك ماسەلەلەر تۋرالى فيلمدەرگە ارنالعان گااگاداعى حالىقارالىق كينوفەستيۆالىنىڭ Movies that Matter ءفيلمىنىڭ كوركەمدىك جەتەكشىسى مارگە دە كەنيگ، Think-Film Impact Production مەديا-كومپانياسىنىڭ نەگىزىن قالاۋشىسى دانيەل تۋركوۆ پەن كانن كينوفەستيۆالىندەگى قىسقامەتراجدى فيلمدەر بايقاۋىنا ىرىكتەۋ كوميسسياسىنىڭ مۇشەسى، پيتچينگ بويىنشا ساراپشى ۆيم ۆاناكەر Alternativa Film Labs 2023 جەڭىمپازدارى بەرليندەگى European Film Market اياسىندا ءوز جوبالارىن ۇسىنۋعا جانە دامىتۋعا باردى.

دانيەل بەرگەر Fiction Toolbox باعدارلاماسىنىڭ، ال  بانۋ رامازانوۆا Doc ToolboxProgramme باعدارلاماسىنىڭ قاتىسۋشىسى بولدى. ديانا جيلكەنوۆا مەن ەليەر نەمات European Film Market-تە اككرەديتاتسيا السا، Alternativa Impact Lab جەڭىمپازى اسەل اۋشاكيموۆا بەرلينالەدە وتكەن Talent Project Market-تە ەكىنشى ورىندى يەلەندى.

 

Alternativa Film Labs