Lıenzııalyq týrnır: Qazaqstan boksshylary kelesi aınalymǵa shyqty

Bokstan Italııanyń Býsto-Arsııo qalasynda ótip jatqan lıenzııalyq týrnırde 51 kelide synǵa túsip jatqan álem chempıony Sáken Bıbosynov pen 92 kelidegi Aıbek Oralbaı jeńiske jetti.

Bıbosynov 1/16 fınalda Kenııa sportshysy Devıd Karanja Macharııany tóreshilerdiń biraýyz sheshimimen jeńdi. Qazaq boksshysy birinshi raýndtan bastap tizgindi ýysynda ustap, qarsylasyn ońaı jeńgenmen, jekpe-jekte qateliktiń bolǵanyn jasyrmady.

Aýyr salmaqtaǵy boksshymyz Aıbek Oralbaı da lıenzııalyq týrnırdi jaqsy bastady. Ol Úndistannyń tájirıbeli boksshysy, Azııa chempıony, eki márte álem chempıonatynyń shırek fınalısi Sanjıt Sanjıtti 1-raýndta barynsha ańdyp, 2-raýndtan bastap joıqyn soqqylar jasap, tóreshilerdiń basym daýysymen jeńiske jetti.

Endi búgin Aıbek Oralbaı Ońtústik Koreıa eliniń ókili HaNeýl Jangpen judyryqtasady.

Ulttyq quramanyń bas jattyqtyrýshysy Myrzaǵalı Aıtjanov týrnırde boksshylardyń bar kúshin salyp jatqanyn aıtty.

Jigitter rıngke ynta-jigermen shyǵyp jatyr. Osy týrnırge barlyq boksshy Olımpıada joldamasyna úmitpen kelip otyr. Sondyqtan ońaı bolyp jatqan joq. Biz ártúrli boks mektebin kórip otyrmyz. Al jigitter maqsatqa jetý úshin bar kúsh-jigerin salyp jatyr. Alla qalasa, eldi qýantyp qaıtsaq degen senim bar, – dedi ol.

Sóıtip, erler quramasynyń boksshylary tolyǵymen lıenzııalyq týrnırdegi alǵashqy aıqastaryn ótkizdi. Keıbiri ekinshi kezdesýlerine de shyǵyp úlgerdi.

Áıelder arasynda 54 kelidegi tájirıbeli sportshymyz Jaına Shekerbekova 1/16 fınalda Nıgerııa ókili Shýkýra Karımge ese jiberdi.

Dastan KENJALIN,

ASTANA