استانادا الەم چەمپيونى تۋرالى فيلم كورسەتىلەدى (ۆيدەو)

15 ناۋرىزدا استانادا پارا دزيۋدودان الەم چەمپيونى ەرعالي شامەيدىڭ ومىرىنە نەگىزدەلگەن قىسقامەتراجدى ءفيلمنىڭ تۇساۋكەسەرى بولادى.

ءفيلمنىڭ اتى «ءۇمىت ساۋلەسى» دەپ اتالادى. بۇل ءفيلمدى Kazakhcinema مەن Dala Cinema كومپانياسىنىڭ بىرىگىپ تۇسىرگەن.  فيلم تەك سپورتتىق جەتىستىكتەرگە ەمەس، سونىمەن قاتار قوعامىمىزدىڭ ماڭىزدى الەۋمەتتىك ماسەلەلەرىنە دە نازار اۋدارتادى.

كينەماتوگرافتىڭ بۇل تۋىندىسى KISFF2023 كينوفەستيۆالىندە بەدەلدى Special Mention Award نوميناتسياسىمەن ماراپاتتالىپ، الەۋمەتتىك ماڭىزدىلىعىن حالىقارالىق دارەجەدە دالەلدەپ ۇلگەردى. سونىمەن قاتار فيلم BCN Sports Film Barcelona International Film Festival فەستيۆالىندە لايىقتى قۇرمەتكە يە بولدى.

بۇل فيلم بيىل فرانتسيارنىڭ استاناسىندا جالاۋى كوتەرىلەتىن جازعى پاراليمپيادا ويىندارىنىڭ الدىندا ەلىمىزدىڭ پارا سپورتشىلارىنا قولداۋ كورسەتىپ، جەتىستىكتەرىنە لايىقتى نازار اۋدارۋعا سەپتىگىن تيگىزەدى. سونداي-اق ول قوعامىمىزداعى ماڭىزدى الەۋمەتتىك باستامالاردى قولداۋعا ارنالعان تاماشا مۇمكىندىك، — دەدى تۋريزم جانە سپورت مينيسترلىگى سپورت جانە دەنەشىنىقتىرۋ ىستەرى كوميتەتى دەنە مۇمكىندىكتەرى شەكتەۋلى تۇلعالارعا ارنالعان سپورتتىق دايارلاۋ ورتالىعىنىڭ مامانى  قۇرالاي ءاشىمحانوۆا.

ءفيلمنىڭ تۇساۋكەسەرى 15 ناۋرىزدا ساعات 18:00-دە «سارىاركا» ويىن-ساۋىق ورتالىعىندا ورنالاسقان كينوپاركتە بولادى.

داستان كەنجالين،

استانا

 

View this post on Instagram

 

A post shared by قىسقامەتراجدى فيلم ء“ۇمىت ساۋلەسى” (@umit.saulesy)