نىسانا كوزدەۋدەن قازاقستان رەكوردى جاڭاردى

شىمكەنت قالاسىندا نىسانا كوزدەۋدەن جاسوسپىرىمدەر اراسىندا (2003 جانە ودان كەيىنگى جىلدارى تۋعاندار اراسى) ءوتىپ جاتقان قازاقستان چەمپيوناتىندا جاڭا رەكورد تىركەلدى، دەپ حابارلادى تۋريزم جانە سپورت مينيسترلىگى سپورتتى دامىتۋ ديرەكتسياسى.

ۇلتتىق قۇراما سپورتشىسى ەليزاۆەتا بەزرۋكوۆا 10 مەتردەن پنەۆماتيكالىق ۆينتوۆكامەن نىسانا كوزدەۋدەن قازاقستان رەكوردىن جاڭارتتى. ول ىرىكتەۋ كەزەڭىندە 632.7 ۇپاي جينادى. ەكىنشى ساتىعا ۇلتتىق قۇرامانىڭ تاعى ءبىر وكىلى الەكساندرا لە (630.2 بالل) جايعاسىپ، ايتارلىقتاي قارسىلىق كورسەتتى.

بۇل باعدارلاماداعى جاسسوسپىرىمدەر مەن ەرەسەكتەر اراسىنداعى وسىعان دەيىنگى ەلىمىزدىڭ ۇزدىك كورسەتكىشىن ەليزاۆەتا بەزرۋكوۆا (630.9 ۇپاي) تىركەگەن.

مەرگەندەردىڭ ەل چەمپيوناتى 16 ناۋرىزدا اياقتالادى. بيىل جارىسقا 10 وڭىردەن 163 سپورتشى جينالدى. ولار بارلىعى 25 جۇلدە جيىنتىعىن ساراپقا سالىپ جاتىر.