Nysana kózdeýden Qazaqstan rekordy jańardy

Shymkent qalasynda nysana kózdeýden jasóspirimder arasynda (2003 jáne odan keıingi jyldary týǵandar arasy) ótip jatqan Qazaqstan chempıonatynda jańa rekord tirkeldi, dep habarlady Týrızm jáne sport mınıstrligi Sportty damytý dırekııasy.

Ulttyq qurama sportshysy Elızaveta Bezrýkova 10 metrden pnevmatıkalyq vıntovkamen nysana kózdeýden Qazaqstan rekordyn jańartty. Ol irikteý kezeńinde 632.7 upaı jınady. Ekinshi satyǵa ulttyq quramanyń taǵy bir ókili Aleksandra Le (630.2 ball) jaıǵasyp, aıtarlyqtaı qarsylyq kórsetti.

Bul baǵdarlamadaǵy jassóspirimder men eresekter arasyndaǵy osyǵan deıingi elimizdiń úzdik kórsetkishin Elızaveta Bezrýkova (630.9 upaı) tirkegen.

Mergenderdiń el chempıonaty 16 naýryzda aıaqtalady. Bıyl jarysqa 10 óńirden 163 sportshy jınaldy. Olar barlyǵy 25 júlde jıyntyǵyn sarapqa salyp jatyr.