SportPress.kz قازاقستان سپورت جاڭالىقتارى
استانادا قازاقستان ديپلوماتتارى بىرلەستىگى ناۋرىز مەيرامىنىڭ ونكۇندىگى اياسىندا «انا ۇيىندە» تۇراتىن انالار مەن بالالارعا ارنالعان قايىرىمدىلىق اكتسيا وتكىزدى.
«انا ءۇيى» ۋكىمەتتىك ەمەس ۇيىمى وسىدان 11 جىل بۇرىن ەلىمىزدىڭ تۇكپىر-تۇكپىرىندە قيىن ومىرلىك جاعدايعا تاپ بولعان جاس انالارعا قولداۋ كورسەتۋ ماقساتىندا اشىلعان. ول اشىلعان كەزدەن بەرى الەۋمەتتىك جەتىمدىكتىڭ الدىن الۋ جانە جىل سايىن بالالار ۇيىنە تۇسەتىن بالالاردىڭ سانىن ازايتۋ ماقساتىندا جۇمىس ىستەپ كەلەدى. قازىردە قوعامدىق ۇيىم انالارعا پسيحولوگيالىق جاردەم بەرىپ، جەتىمدەر ۇيىنە تۇسەتىن بالا سانىن ازايتۋمەن اينالىسادى.
بۇگىنگى تاڭدا قوعامدىق قوردىڭ كومەگىمەن ايەلدەر كاسىپتىك كۋرستاردا وقىپ، جەكە كاسىبىن اشىپ جاتىر. مۇندا ولاردى تىگۋگە، ءۇي شارۋاشىلىعىن جۇرگىزۋگە، قۇجاتتاردى، جاردەماقىلاردى، اليمەنتتەردى راسىمدەۋگە ۇيرەتەدى.
قازاق — ەشقاشان جەتىمىن جىلاتپاعان حالىق. جالعىزباستى انالاردى قولداپ، ەلىمىزدە الەۋمەتتىك جەتىمدىكتىڭ الدىن الۋ ماقساتىندا اشىلعان «انا ۇيىندە» انا مەن بالاعا ءتيىستى كومەك كورسەتىلىپ كەلەدى. انالار مەن بالالاردىڭ الاڭسىز ءومىر سۇرۋىنە جاعداي جاساپ قولداۋ كورسەتىپ كەلە جاتقان ازاماتتارعا العىس بىلدىرەمىز، — دەدى انالار.
اكتسيادا ديپلوماتتاردىڭ اتىنان ازىك-ت ۇلىك، بالالارعا كاجەتتى زاتتار، ويىنشىقتار تابىس ەتىلدى. وسىنداي اكتسيالار الداعى ۋاقىتتا دا جالعاساتىن بولادى.
ءىلياس وماروۆ،
استانا
