Dıplomattar jalǵyzbasty analarǵa qoldaý kórsetti (FOTO)

Astanada Qazaqstan dıplomattary birlestigi Naýryz meıramynyń onkúndigi aıasynda «Ana úıinde» turatyn analar men balalarǵa arnalǵan qaıyrymdylyq akııa ótkizdi.

«Ana úıi» ýkimettik emes uıymy osydan 11 jyl buryn elimizdiń túkpir-túkpirinde qıyn ómirlik jaǵdaıǵa tap bolǵan jas analarǵa qoldaý kórsetý maqsatynda ashylǵan. Ol ashylǵan kezden beri  áleýmettik jetimdiktiń aldyn alý jáne jyl saıyn balalar úıine túsetin balalardyń sanyn azaıtý maqsatynda jumys istep keledi. Qazirde qoǵamdyq uıym analarǵa psıhologııalyq járdem berip, jetimder úıine túsetin bala sanyn azaıtýmen aınalysady.

Búgingi tańda qoǵamdyq qordyń kómegimen  áıelder kásiptik kýrstarda oqyp, jeke kásibin ashyp jatyr. Munda olardy tigýge, úı sharýashylyǵyn júrgizýge, qujattardy, járdemaqylardy, alımentterdi rásimdeýge úıretedi.

Qazaq — eshqashan jetimin jylatpaǵan halyq. Jalǵyzbasty analardy qoldap, elimizde áleýmettik jetimdiktiń aldyn alý maqsatynda ashylǵan «Ana úıinde» ana men balaǵa tıisti kómek kórsetilip keledi. Analar men balalardyń alańsyz ómir súrýine jaǵdaı jasap qoldaý kórsetip kele jatqan azamattarǵa alǵys bildiremiz, — dedi analar.

Akııada dıplomattardyń atynan azyk-túlik, balalarǵa kajetti zattar, oıynshyqtar tabys etildi. Osyndaı akııalar aldaǵy ýaqytta da jalǵasatyn bolady.

Ilııas OMAROV,

ASTANA