SportPress.kz قازاقستان سپورت جاڭالىقتارى
دزيۋدوشى نۇرقانات سەرىكباەۆ دزيۋدودان تبليسيدە ءوتىپ جاتقان الەمدىك Grand Slam ءتۋرنيرىنىڭ جەڭىمپازى اتاندى. فينالدا ول يزرايل سپورتشىسى يام ۋولتساكتى جەڭدى، دەپ حابارلادى تۋريزم جانە سپورت مينيسترلىگىنىڭ سپورتتى دامىتۋ ديرەكتسياسى.
60 كەلىگە دەيىنگى سالماقتا بەلدەسكەن نۇرقانات سەرىكباەۆ جارىستا بەس رەت تاتاميگە شىعىپ، بەسەۋىن دە جەڭىسپەن اياقتادى. ىرىكتەۋ كەزەڭىندە ول دجوحان روجاس (كولۋمبيا)، يەحوناتان ۆەكسلەر (يزرايل) مەن ديلشوت حالماتوۆتان (ۋكراينا) باسىم ءتۇستى. ال جارتىلاي فينالدا Grand Slam جارىسىنىڭ ءۇش دۇركىن جەڭىمپازى بالاباي اگاەۆتى جەڭگەن بولاتىن.
بۇل — وتانداسىمىزدىڭ Grand Slam جارىسىنداعى العاشقى التىن مەدالى. ونىڭ وسى ناتيجەسى نۇرقانات سەرىكباەۆقا الەمدىك رەيتينگتە قوسىمشا 1000 ۇپاي الۋعا مۇمكىندىك بەرەدى.
عاليا تىنباەۆا دا تبيليسيدە ءوتىپ جاتقان ۇلكەن دۋلىعا ساناتىنداعى ءتۋرنيردىڭ قولا جۇلدەگەرى اتاندى.
ول جۇلدە جولىندا ميرەيا لاپۋەرتا كوماستىڭ (يسپانيا) جاۋىرىنىن جەرگە تيگىزدى. ەكىنشى قولا جۇلدەنى قىتاي سپورتشىسى السا، لي حەكيون (وڭتۇستىك كورەيا) باس جۇلدەگە يە بولدى.
كۇندىزگى سەسسيادا ۇلتتىق قۇراما سپورتشىسى ا توبىندا اليونا سەرگەەۆانى (رەسەي)، سوسىن مەلاني لەگۋ-كلەمان (فرانتسيا) مەن اماندا ليمانىڭ (برازيليا) وسال تۇسىن تاپقان. الايدا جارتىلاي فينالدا وڭتۇستىك كورەيا دزيۋدوشىسى حەكيون ليدەن جەڭىلىپ قالدى.
عاليا تىنىباەۆا بىلتىر ۇلان-باتىر مەن استانادا وتكەن ۇلكەن دۋلىعا ساناتىنداعى تۋرنيردە بەسىنشى ورىننان كورىنگەن. بۇل — ونىڭ Grand Slam سەرياسىنداعى العاشقى مەدالى.
بۇگىن Grand Slam جارىسى اياقتالادى. وعان 83 ەلدەن 531 تاتامي شەبەرى قاتىسىپ جاتىر.
حالىقارالىق دزيۋدو فەدەراتسياسى
View this post on Instagram
