FIG ALEM CUP: Astanaǵa kórkem gımnasshylar jınaldy

Uzaq jyldardan keıin kórkem gımnastıkadan Astana qalasy FIG dárejesindegi týrnırdi qabyldady, dep habarlady Astana qalasy Dene shynyqtyrý jáne sport basqarmasy.

Álemdik kúntizbege engen halyqaralyq týrnırde otandyq sportshylardan bólek, Ońtústik Koreıa,  Qyrǵyzstan, Ázerbaıjan, jáne beıtarap eldiń kórkem gımnasshylary da keldi.

Halyqaralyq kórkem gımnastıka federaııasynyń jarysyn qabyldaý talaptary joǵary. Birinshiden, sport kesheniniń bıiktigi, jaryǵy, 3 myń adam sııatyn oryndyǵy t.b birneshe kórsetkishke laıyq bolýy shart. Ekinshiden, osy deńgeıdegi týrnırdi ótkizgende keminde 5 el qatysýy tıis. О́kinishke qaraı, sońǵy sátte Egıpet eli kelýden bas tartty. Úshinshiden, tek bizdiń Alem akademııasynda elektrondy tablo bar. Bul da jarystyń iri deńgeıinde uıymdastyrýylýyna áser etedi, — dedi Álem halyqaralyq kórkem gımnastıka akademııasynyń basshysy Ásem Baqytjanqyzy.

Jarysta bura tartýshylyq bolmaý úshin, tóreshilerdiń 50%-y otandyq, 50%-y Iran, О́zbekstan, Ońtústik Koreıa, Ázerbaıjan, Beıtarap eldi qurap otyr.

22-24 naýryz kúnderi ótetin halyqaralyq týrnırde 150-den astam sportshylar baq synaıdy. Olar 2006-2008 jyldary dúnıege kelgen jáne 2008 jyldan keıingi jasóspirimder birneshe jattyǵýda júldege talasady.

Jarystyń birinshi kúni sportshylar shyǵyrshyq jáne dop saıysynda irikteý kezeńinde óner kórsetti. Al jeńimpazdar 24 naýryzda anyqtalady.