Rybakına men Pýtıneva shırek fınalǵa shyqty

Qazaqstan tennısshileri Elena Rybakına men Iýlııa Pýtıneva AQSh-tyń Maıamı shtatynda ótip jatqan WTA 1000 týrnıriniń shırek fınalyna shyqty, dep habarlady Qazaqstan  tennıs federaııasy.

Rybakına tórtinshi aınalymda álemniń 18-raketkasy, 2017 jylǵy AQSh chempıonatynyń fınalısi, amerıkalyq Medıson Kızben oınady.

Kız Rybakına úshin qolaısyz qarsylas deýge bolady. Olar osyǵan deıin úsh ret kezdesse, sonyń ekeýinde amerıkalyq sportshy jeńiske jetken edi.

Bul joly birinshi partııada esep 4:3 bolǵan kezde Rybakına breık jasaı aldy. Sosyn setke dop bergende, óz múmkindigin jibergen joq. Birinshi partııa  6:3 esebimen Qazaqstan tennısshisiniń paıdasyna sheshildi.

Ekinshi sette Rybakına breıkpen alǵa shyqty. Degenmen Kız de qalyspady. Ol esepti teńestirip ketti.  Esep 5:5 bolǵan kezde otandasymyz taǵy bir breık jasap, sodan keıin matchty 7:5 esebimen aıaqtady.

Endi Rybakına jartylaı fınalǵa shyǵý úshin álemniń 9-raketkasy, grekııalyq Marııa Sakkarımen kezdesedi.

Iýlııa Pýtıneva 1/8 fınalda álemniń 36-raketkasy, ýkraınalyq Angelına Kalınınamen synǵa tústi.

Birinshi partııada Pýtıneva 4:0 esebimen alǵa shyqty. Sodan keıin ol qarsylasyna bir breık berip qoıǵanymen, óz degenine jetti. Birinshi partııadaǵy esep 6:4 boldy.

Ekinshisi sette Kalınına 4:1 esebimen alǵa shyqty. Degenmen Pýtıneva tarazy basyn teńestirip, taı-breıkte7:6 (7:5) esebimen jeńiske jetti.

Iýlııa Pýtıneva jartylaı fınalǵa shyǵý úshin kezinde dúnıejúzilik reıtıngide kósh bastaǵan, qazir 32-oryndaǵy Belarýs ókili Vıktorııa Azarenkomennemese álemniń 30-raketkasy, ulybrıtanııalyq Ketı Býltermen oınaıdy.

Pýtınevanyń reıtıngidegi ornyna kelsek, ol WTA Live tiziminde 52-orynǵa kóterildi.