سەنور — ارداگەر شاحماتشىلاردىڭ چەمپيوناتى

قازىر دۇنيەجۇزىلىك فيدە بويىنشا شاحماتتان ارداگەر — سەنورلار جارىسىن جىل سايىن وتكىزۋ قولعا الىنعان. وسىعان وراي قازاقستان بىرىنشىلىگى ءساۋىر ايىنىڭ 20-سىنان كەيىن پەتروپاۆل قالاسىندا وتەدى. وندا چەمپيون بولعان شاحماتشى الەم بىرىنشىلىگىنە، ال ەكىنشى ورىن العان جۇردەگەر ازيا بىرىگىنشىلىگىنە قاتىسۋعا جولداما الادى.

بۇعان دايىندىق رەتىندە استانا مەن پاۆلودار قالاcىندا جارىس وتكىزۋ بۇرىن دا قولعا الىنعان. ال الماتى قالاسىندا سايىس ءبىرىنشى رەت ءوتىپ وتىر.  بىرىنشىلىكتە ارداگەردىڭ جاسى 65-تەن جانە 50- دەن اسقان شاحماتشىلار سايىسى چەمپيونات تارتىبىنە سايكەس جەكە-جەكە وتكىزىلدى. ويىن ءداستۇرلى شۆەيتسار جۇيەسىمەن ءوتىپ، توعىز كەزدەسۋمەن اياقتالدى.

65 جاستان اسقان جيىرما سەگىز شاحماتشى اراسىندا 8 ۇپاي جيناعان بەرىك تىلەۋىمبەتوۆ چەمپيون اتاندى.7 ۇپايمەن الەكسەي بلوحين ەكىنشى، ال ودان جارتى ۇپاي كەم كورسەتكىشپەن سابىر سىزدىقوۆ ءۇشىنشى ورىندى يەلەندى.

50 جاستان اسقان شاحماتشىلار اراسىندا 9 ويىندا تولىق ۇتقان كيريلل كارپۋنين جەڭىمپاز تۇعىرىنا كوتەرىلدى. 7 ۇپايمەن مالىك تورەكەشەۆ ەكىنشى، 6 ۇپايمەن ارسيلان الاحۋنوۆ ءۇشىنشى ورىنعا شىقتى.

ايەلدەر اراسىندا ەرلەرمەن قاتار ويناپ، 5 ۇپاي جيناعان يرينا بۇلانوۆا چەمپيون اتانسا ، 4،5 ۇپايمەن ەلەنا گايچەنيا ەكىنشى، 4  ۇپايمەن ءاسيا احمەتوۆا ءۇشىنشى ورىندا بولدى .

جۇلدەگەرلەرگە ارنايى ديپلومدار مەن اقشالاي سىياقى تاپسىرىلدى . ولاردى الماتى قالاسى شاحماتشىلار وداعىنىڭ وكىلى سەرىكگۇل نۇرعاليەۆا شاحمات بىرىنشىلىگىندەگى جەڭىستەرىمەن قۇتتىقتادى. سونداي – اق، سەنور — ارداگەر شاحماتشىلاردىڭ كەلەسى ساتىلى جارىستارىندا لايىقتى سپورتتىق كوسەتكىشتەرگە جەتۋىنە تىلەك ءبىلدىردى.

باقداۋلەت قۇمار،

الماتى