Senor — ardager shahmatshylardyń chempıonaty

Qazir dúnıejúzilik FIDE boıynsha shahmattan ardager — senorlar jarysyn jyl saıyn ótkizý qolǵa alynǵan. Osyǵan oraı Qazaqstan birinshiligi sáýir aıynyń 20-synan keıin Petropavl qalasynda ótedi. Onda chempıon bolǵan shahmatshy álem birinshiligine, al ekinshi oryn alǵan júrdeger Azııa biriginshiligine qatysýǵa joldama alady.

Buǵan daıyndyq retinde Astana men Pavlodar qalacynda jarys ótkizý buryn da qolǵa alynǵan. Al Almaty qalasynda saıys birinshi ret ótip otyr.  Birinshilikte ardagerdiń jasy 65-ten jáne 50- den asqan shahmatshylar saıysy chempıonat tártibine sáıkes jeke-jeke ótkizildi. Oıyn dástúrli shveıar júıesimen ótip, toǵyz kezdesýmen aıaqtaldy.

65 jastan asqan jıyrma segiz shahmatshy arasynda 8 upaı jınaǵan Berik Tileýimbetov chempıon atandy.7 upaımen Alekseı Blohın ekinshi, al odan jarty upaı kem kórsetkishpen Sabyr Syzdyqov úshinshi oryndy ıelendi.

50 jastan asqan shahmatshylar arasynda 9 oıynda tolyq utqan Kırıll Karpýnın jeńimpaz tuǵyryna kóterildi. 7 upaımen Málik Tórekeshev ekinshi, 6 upaımen Arsılan Alahýnov úshinshi orynǵa shyqty.

Áıelder arasynda erlermen qatar oınap, 5 upaı jınaǵan Irına Bulanova chempıon atansa , 4,5 upaımen Elena Gaıchenıa ekinshi, 4  upaımen Ásııa Ahmetova úshinshi orynda boldy .

Júldegerlerge arnaıy dıplomdar men aqshalaı syıaqy tapsyryldy . Olardy Almaty qalasy shahmatshylar Odaǵynyń ókili Serikgúl Nurǵalıeva shahmat birinshiligindegi jeńisterimen quttyqtady. Sondaı – aq, senor — ardager shahmatshylardyń kelesi satyly jarystarynda laıyqty sporttyq kósetkishterge jetýine tilek bildirdi.

Baqdáýlet QUMAR,

ALMATY