SportPress.kz Qazaqstan sport jańalyqtary
Taılandtyń Phýket qalasynda aýyr atletıkadan Álem kýbogy úshin lıenzııalyq jarys bastaldy. Oǵan Qazaqstan quramasy da qatysyp jatyr.
Keshe pomostqa ulttyq qurama sapynan Ernaz Alpysov (55 kg) shyqty, dep habarlady Týrızm jáne sport mınıstrligi Sportty damytý dırekııasy.
Ol julqa kóterýde bir múmkindigin, al serpe kóterýde eki múmkindigin tıimdi paıdalana almady. Ernaz Alpysov 237 kg nátıjemen (julqa – 107 kg, serpe – 130 kg) A tobynda altynshy satydan kórindi.
Bul synda Soltústik Koreıa sportshysy Ýn Chol Pang (118+152) Álem kýbogynyń ıegeri atandy. Kúmis medaldi Taılandtyń ókili Nattavat Chomchýen (119+150), qola júldeni vetnamdyq Thana Laı (120+148) ıelendi.
Byltyrǵy álem chempıonatynda Ernaz Alpysov jalpy esepte 233 kelini kótergen. Osy jarysta sol kórsetkishti jaqsarta aldy. Onyń budan da joǵary orynnan kórinýge shamasy bar edi. Alaıda salmaq qýý óz áserin tıgizdi. Kelesi olımpııalyq aınalymda ol Olımpıada baǵdarlamasyna kiretin 61 kg deıingi salmaqta óner kórseted, — dedi erler ulttyq quramanyń bas jattyqtyrýshysy Dáýren Bekmuhanbetov.
Sonymen qatar áıelder arasynda 49 kg deıingi salmaqtaǵy barlyq jarys aıaqtaldy. Ulttyq qurama sportshysy Aınur Ábdihalyqova bir kún buryn synǵa tústi.
Áıelder quramasynyń jattyqtyrýshysy Ivan Snegýrovtyń aıtýynsha, sportshyǵa Olımpıadanyń joldamasyn alýǵa áli múmkindik bar.
Aınur jaqsy óner kórsetti. Barlyq alty múmkindigin sátti paıdalanyp, ázirge karerasyndaǵy úzdik nátıjeni kórsetti (qos saıysta 160 kg). Jalpy esepte 12-13-satyda kele jatyr. Iaǵnı, Olımpıada lıenzııasyna ıe bolatyn múmkindigi bar. Bári upaılar eseptelip, sońǵy reıtıng shyqqanda belgili bolady, — dedi Ivan Snegýrov.
Búgin, 2 sáýirde Álem kýbogynda Darıa Balabaıýk (59 kg) júldege talasady.
