Olımpıada-2024: Narıman Kýrbanov álemde eki adam isteıtin elementti baǵdarlamamyna qosty

Gımnast Narıman Kýrbanov Qatardyń astanasy — Dohada ótetin Álem kýbogy kezeńine daıyndalyp jatyr. Ol osy kezeńnen keıin gımnastıkalyq at snarıadynda Olımpıada joldamasyn ıelenýi múmkin.

Olympic.kz saıtynyń habarlaýynsha, sportshy baǵdarlamasyn jetildirip jatyr. Qazir ornyń kombınaııasy qıyndyǵy jóninen álemde ekinshi orynda – 6.7. О́tken Álem kýbogy kezeńderinde onyń elementi eń qıyn baǵdarlama boldy.

Antalıadaǵy týrnırge 6.9 bolatyn jańa baǵdarlamamen bardym. Bul bazalyq jaǵynan qazirgi Olımpıada chempıony, brıtandyq Maks Vıtloktyń kombınaııasymen birdeı.

Bir qolmen aınalýdy qostym. Mundaı elementti álemde úsh-tórt adam ǵana isteı alady.

Sońyna qaraı jattyǵýdy tolyq aıaqtaýǵa múmkindik bolmady. Dese de, maǵan nátıjem unaıdy, — dedi gımnast.

Kýrbanov Horvatııada ótetin halyqaralyq týrnırge qatyspaıtynyn da aıtty.

Horvatııaǵa barǵanym joq. Qazir Qatarda oqý-jattyǵý jıynyndamyn. Osynda ótetin lıenzııalyq Álem kýbogyna daıyndalyp jatrymyn. Lıenzııa týraly kóp oılamaı, óz jumysymdy barynsha jaqsy istegim keledi. Sebebi, Qatarda Olımpııalyq oıyndardyń medaline basty úmitkerler synǵa túsedi. Osy jarysqa quddy Olımpıadaǵa barǵandaı qatysqym keledi.

Ázirge, bıylǵy maýsymǵa baǵa berýge erte. Tek ózimniń babymda ekenimdi, túrli qıyndyqqa qaramastan, alǵa senimmen qadam basatynymdy aıtqym keledi. Aldaǵy on kúnde jańa nárse oılap tabýdyń qajeti joq. Jaı ǵana sporttyq babymdy retteımin, — dedi Narıman Kýrbanov.

Qatardyń astanasyndaǵy Álem kýbogy 17-21 sáýir aralyǵynda bolady. Osy jarystyń qorytyndysy boıynsha Olımpıada lıenzııasyn alǵan gımnastar anyqtalady.

Qazaqstan erler quramasynyń bas jattyqtyrýshysy Aleksandr Kımnyń aıtýynsha, Kýrbanovtyń joldamany alýǵa múmkindigi jaqsy.

Qazir Qazaqstan enshisinde sporttyq gımnastıkadan Olımpıadanyń bir joldamasy bar. Byltyr Antverpende ótken álem chempıonatynda Mılad Karımı qola medalmen birge, kópsaıysta joldamany jeńip alǵan.

Qatardyń astanasyndaǵy Álem kýbogyna erler quramasynda Mılad Karımı, Dmıtrıı Patanın, Dıas Toıshybek, Narıman Kýrbanov barady.