Elimizde tuńǵysh ret sýrdo dzıýdodan álem chempıonaty ótedi

12-14 sáýir aralyǵynda elimizde tuńǵysh ret sýrdodzıýdodan álem chempıonaty ótedi. Álemdik doda Túrkistan qalasynda Qazaqstan sýrdodzıýdo federaııasy men Sýrdlımpıada komıtetiniń uıymdastyrýymen jalaýyn kóteredi.

Sýrdo dzıýdo federaııasynyń habarlaýynsha, oǵan 25 elden 200 sportshy qatysady dep josparlanyp otyr.

Elimizde alǵash ret jalpy sýrdlımpıadalyq sport túrleri boıynsha álem chempıonaty ótkizileıin dep otyr. Bul — tarıhı oqıǵa.  Ol biz úshin úlken jaýapkerlishik. Estý qabileti zaqymdanǵan sportshylardy qoldaýdyń eń bir jaqsy belgisi osy bolar. Qazir elimizde dzıýdo sporty jaqsy damyp keledi. Sonyń ishinde sýrdo dzıýdomen aınalysatyndar sany da az emes.

Búgin sýrdo dzıýdodan ulttyq quramamyzda el namysyn qorǵap júrgen sportshylar da óziniń sporttyq jolyn bala kezinde qarapaıym dzıýdodan bastaǵan. Sportshylarymyzdyń eshteńege qaramastan, moıymaı, maqsatqa jetý jolyndaǵy jankeshtiligi bizdi árdaıym jigerlendiredi, tánti etedi, — dedi Qazaqstan sýrdo dzıýdo federaııasynyń prezıdenti Qýanyshbek Muqash.

Onyń aıtýynsha, Túrkistan tatamıinde sýrdlımpıada chempıondary, álem chempıondary bas qosady. Mundaı iri álemdik jarys elimizdegi sýrdlımpıadalyq sport túrleriniń damý qarqynyn jańa satyǵa kóteredi.

Aıta keterligi, sýrdodzıýdodan álem chempıonaty Túrkistan qalasyndaǵy Olympic centre sport kesheninde ótedi.