SportPress.kz قازاقستان سپورت جاڭالىقتارى
شىمكەنت قالاسىندا وليمپياداعا دايىندىق شتابىنىڭ وكىلدەرى كوركەم گيمناستيكادان ۇلتتىق قۇرامانىڭ جاتتىعۋ جيىنىنا قاتىستى. كوماندا ۇزدىگى ەلجاڭا تانيەۆا بولگاريانىڭ استاناسى – سوفيا قالاسىندا وتەتىن كەزەكتى الەم كۋبوگىنا دايىندالدى.
ۇلتتىق قۇرامانىڭ تاعى ءبىر گيمناسشىسى ايبوتا ەرتايقىزى سوفيا قالاسىندا وتكەن حالىقارالىق تۋرنيردەن ورالدى. وكىنىشكە قاراي، ول جەردە كىشىگىرىم جاراقات العان وتانداسىمىز جارىس جولىن ەرتە اياقتاۋعا ءماجبۇر بولدى. الدا – ليتسەنزيالىق ازيا چەمپيوناتى. بۇل جارىس 1-4 مامىر ارالىعىندا تاشكەنتتە وتەدى. وندا وليمپياداعا ءبىر جولداما ساراپقا سالىنادى.
قۇراما كوماندانىڭ باس جاتتىقتىرۋشىسى ءاليا ءجۇسىپوۆانىڭ ايتۋىنشا، ازيا چەمپيوناتىندا جاپونيا مەن قىتاي وكىلدەرى قازاقستان گيمناسشىلارىنىڭ باستى قارسىلاسى بولادى.
بۇل دوداعا ەلجاڭا مەن ايبوتا قاتىسادى. ءۇمىتىمىز زور. وليمپيالىق جولداما ءۇشىن ايانبايمىز. ءبىزدىڭ قازىرگى باستى ماقساتىمىز – وليمپياداعا جولداما الۋ، – دەدى ءاليا يۋسۋپوۆا.
ايتا كەتسەك، قازىر ءاليا يۋسۋپوۆا باس جاتتىقتىرۋشىلىقپەن قاتار، ەلىمىزدىڭ گيمناستيكا فەدەراتسياسىنىڭ باسشىلىق تىزگىنىن دە ۇستاپ وتىر.
داستان كەنجالين،
استانا
