SportPress.kz قازاقستان سپورت جاڭالىقتارى
بەلگىلى كاسىپكەر، «اتامۇرا» كورپوراتسياسىنىڭ پرەزيدەنتى راقىمعالي قۇل-مۇحاممەد ەلىمىزدە سۋ تاسقىنى مەن قاردىڭ سۋىنان زارداپ شەككەن وڭىرلەردىڭ حالقىنا ءوز اتىنان قارجىلاي كومەك بەردى.
قۇرمەتتى دوستار!
ەلىمىزدىڭ ءبىراز ءوڭىرىن سۋ باسىپ، حالقىمىزدىڭ باسىنا اۋىرتپالىق ءتۇسىپ، قاتتى قيىندىق كورىپ جاتقانى مەنى دە الاڭداتىپ وتىر.
وسى ءبىر قيىن كۇندەردە وزدەرىڭىزبەن بىرگە ەكەنىمدى ءبىلدىرىپ، تابيعات اپاتىنان زارداپ شەككەن باۋىرلارىمىزعا دەمەۋشىلىك جاساپ، ءوز اتىمنان 10 ملن تەڭگە اۋدارىپ، كومەك كورسەتۋدى ءجون سانادىم.
حالقىمىزعا اللا سابىر مەن ءتوزىم، بىرلىك پەن بەرەكە بەرسىن! قيىندىقتان تەزىرەك شىعۋلارىڭىزعا تىلەكتەسپىن!
ەلىمىز امان، جۇرتىمىز تىنىش بولسىن!، – دەدى كاسىپكەر.
بۇل كومەكتى ول ءوز اتىنان بەردى. ونىڭ باسپاعا ەش قاتىسى جوق.
مەن شەنەۋنىك ەمەسپىن، كاسىپكەرمىن. ەلگە جاناشىرلىق كورسەتىپ، باسقا دا ءوزىم سياقتى كاسىرپكەرلەرگە ۇلگى بولسىن دەپ كومەك بەردىم.
قازىر ەلىمىزدىڭ بىرنەشە ءوڭىرىن سۋ الىپ كەتتى. باسپاناسىز قالعان، مالى قىرىلىپ، مۇلكى جوعالعان حالىق كوپ. سوندىقتان وسىنداي ەل باسىنا كۇن تۋعان ساتتە كومەك قولىن سوزاتىن ازاماتتاردىڭ كوپ بولعانى ءجون دەپ سانايمىن!، – دەدى ول.
قازىر سۋ تاسقىنى مەن قاردىڭ سۋىنان زارداپ شەككەن وڭىرلەردىڭ حالقىنا ءوز اتىنان قارجىلاي كومەك بەرىپ جاتقان مەكەمەلەر مەن جەكەلەگەن ازاماتتار كوبەيىپ جاتىر. اتاقتى ءانشى ديماش قۇدايبەرگەن مەن ونىڭ اكەسى قانات ايتباي دا اقتوبەدەگى سۋ تاسقىنىنان زارداپ شەككەندەرگە كومەك كورسەتىپ جاتقان ەرىكتىلەر شتابىنا باردى.
«قازاقستان حالقىنا» قورى سۋ تاسقىنىنان زارداپ شەككەندەرگە كومەك مولشەرىن 10 ملرد تەڭگەگە دەيىن كوبەيتەتىنىن جاريالاسا، «سامۇرىق-قازىنا» ءال-اۋقات قورىنىڭ كومپانيالار توبى سۋ تاسقىنى سالدارىن جويۋعا 15 ملرد تەڭگە بولەتىن بولدى. بۇدان باسقا دا كومپانيالار، بانكتەر مەن كوپتەگەن مەكەمەلەر زارداپ شەككەن وتباسىلار مەن ازاماتتارعا ميللياردتاپ، ميلليونداپ كومەك قولىن سوزىپ جاتىر.
داستان كەنجالين،
استانا
