Kúresten ACh: Meırambek Qartbaı qola júlde úshin kúresedi

Qyrǵyzstannyń Bishkek qalasynda kúres túrlerinen ótip jatqan Azııa chempıonatynda ulttyq quramanyń sportshysy Meırambek Qartbaı (57 kg)  jartylaı fınalda qarsylasyna ese jiberdi.

Meırambek Qartbaı men Kento Iýmııa arasyndaǵy beldesý 2:4 esebimen japon balýany jeńiske jetti.  Oǵan deıin Qartbaı shırek fınalda ózbekstandyq Nodırbek Jumanazarovty jeńip, jartylaı fınalǵa shyqqan bolatyn.

Ulttyq quramanyń taǵy bir ókili Meıirjan Áshirov (70 kg) Túrkmenstan sportshysy Perman Hommadovtan aılasyn asyrdy. Odan keıin ol ¼ fınalda tájikstandyq Mustafo Ahmedovtan jeńilse, Sanjar Muhtar (65 kg) da jarysta otandasynyń jolyn qaıtalady. Ol da alǵashqy aınalymda Palestına balýanyn merziminen buryn jeńdi. Sodan keıin shırek fınalda Rohıt Rohıttan (Úndistan) jeńilip qaldy. Al 79 kelige deıingi salmaqta bıylǵy el chempıony Azamat О́mirjanov alǵashqy aınalymda Bıambadorj Enhbaıardan (Mońǵolııa) jeńilis tapty.

Dastan KENJALIN,

ASTANA