Aısýlýý Tynybekova tuńǵysh ret alty dúrkin Azııa chempıony atandy (VIDEO)

Erkin kúresten Qyrǵyz Respýblıkasy ulttyq qurama komandasynyń ókili Aısýlýý Tynybekova  Bishkek qalasynda kúres túrlerinen ótip jatqan Azııa chempıonatynda qurmet tuǵyrynyń eń bıik satysyna kóterilip, sary qurlyq dodasynyń altyn júldesin osymen altynshy ret jeńip aldy. Sóıtip, ol tuńǵysh ret alty dúrkin Azııa chempıony atandy.

14 sáýirde fınalda 62 kelige deınigi salmaq dárejesinde kúsh synasqan qyrǵyz balýany japon sportshysy Sakýro Motokıdi 9:6 esebimen jeńdi.

Aısýlýý Tynybekova sonymen birge álemniń úsh dúrkin chempıony, Álem kýbogynyń ıegeri. Tokıo Olımpıadasynyń kúmis júldegeri. Kóptegen halyqaralyq týrnırdiń jeńimpazy.

Endi oqyrman qaýymdy kúresten eń kóp medal alǵan sportshylarmen tanystyrsaq, bul tizim bylaı jasalady.

1.Aısýlýý Tynybekova (Qyrǵyzstan) – 6 altyn, 3 kúmis jáne 2 qola medal;

2.Elmurat Tasmuratov (О́zbekstan) – 5 altyn, 2 kúmis júlde;

3-4. Alıreza Sýleımen (Iran) – 5 altyn, 1 qola medal;

3-4. Keko Hamagýtı (Japonııa)  –5 altyn, 1 qola júlde;

5.Rasýl Hadem (Iran) – 5 altyn medal;

6-7. Sergeı Matvıenko (Qazaqstan) – 4 altyn, 1 kúmis júlde;

6-7. Georgıı ýrýmııa (Qazaqstan) – 4 altyn, 1 kúmis medal;

8-9. Alıreza Heıdarı (Iran) – 4 altyn, 1 qola júlde;

8-9. Kaorı Ite (Japonııa) – 4 altyn, 1 qola medal;

10.Ehsan Lashgarı (Iran) – 4 altyn júlde;

10.Saorı Esıdo (Japonııa) – 4 altyn medal;

10.Fardın Masýmı (Iran) – 4 altyn júlde;

10.Gıýzel Manıýrova (Qazaqstan) – 4 altyn medal.

Aıbek MUHANOV,

Mańǵystaý oblysy