قازاقستان، كۋبا مەن وزبەكستان بوكسشىلارى بىرگە جاتتىعىپ جاتىر

بوكستان قازاقستان قۇراماسى تۇركىستان وبلىسىنداعى «الما تاۋ» بازاسىندا بىرلەسكەن وقۋ-جاتتىعۋ جيىنىن وتكىزىپ جاتىر.

وعان قازاقستان بوكسشىلارىمەن بىرگە  وزبەكستان مەن كۋبا قۇرامالارى قاتىسۋدا.

قازاقستان كومانداسى ساپىنان پاريج وليمپياداسىنا جولداما العان 6التى بوكسشى مەن تايلاندتاعى سوڭعى ليتسەنزيالىق جارىسقا قاتىساتىن مۇحاممەدسابىر بازارباي ۇلى بار.

وزبەكستان كومانداسى جاتتىعۋ جيىنىنا 12 بوكسشى الىپ كەلدى. ولاردىڭ قاتارىندا الەم چەمپيوندارى رۋسلان ابدۋللاەۆ پەن ابدۋماليك حالوكوۆ، وليمپيادا چەمپيونى ءباھادۇر جالولوۆ بار.

كۋبا قۇراماسىنان جاتتىعۋ جيىنىنا الەحاندرو كلارو فيس، سەيدەل نورتا، ارلەن لوپەز بەن حۋليو سەزار لا كرۋزدى كەلدى.

بىرلەسكەن جاتتىعۋ جيىنى 21 ساۋىرگە دەيىن جالعاسادى.

بوكستان قازاقستان ايەلدەر قۇراماسى الماتى وبلىسىنداعى Akbulak Olympic center بازاسىندا كەزەكتى وقۋ-جاتتىعۋ جيىنىن باستادى. بۇل — باس جاتتىقتىرۋشى ەلدوس سايدالين ءۇشىن جاڭا قىزمەتتەگى العاشقى جيىن.

باعدارلاماعا بۇرىن-سوڭدى بولماعان ينتەنسيۆتى جاتتىعۋ ءتۇرى ەنگىزىلگەن. بوكسشىلاردىڭ نەگىزگى ماقساتى — تايلاندتا وتەتىن ليتسەنزيالىق تۋرنيرگە تىڭعىلىقتى دايىندالۋ.

داستان كەنجالين،

استانا