Azamat Dáýletbekov UWW reıtınginde birinshi orynǵa kóterildi

Erkin kúresten Qazaqstan ulttyq qurama komandasynyń úzdigi, bıylǵy Azııa chempıony Azamat Dáýletbekov Birikken kúres áleminiń (UWW) jańartylǵan reıtınginde birinshi orynǵa shyqty.

Balýan Qyrǵyzstannyń Bishkek qalasynda Azııa chempıony ataǵyn jeńip alǵan soń, 86 keli salmaqta jalpy esebi 52 400 upaımen birinshi orynǵa kóterildi.

Ekinshi orynǵa 45 000 upaımen amerıkalyq Devıd Teılor, úshinshi orynǵa 44 000 upaı jınaǵan San-Marınonyń ókili Amın Maılz ornalasty.

Azamat Dáýletbekov Bishkektiń tórinde tóselgen sary qurlyq dodasynda 86 keli salmaqta osymen úshinshi ret jeńiske jetti.Odan basqa, Dáýletbekov 2022, 2023 jylǵy álem chempıonattarynyń qola júldegeri.

Erkin kúresten Qazaqstan komandasynyń taǵy bir ókili Rızabek Aıtmuhan 92 keli salmaqtaǵy álemdik reıtıngte ekinshi orynǵa jaıǵasty.

Dastan KENJALIN,

ASTANA