قازاقستان العاش رەت بادمينتوننان وليمپيادا ليتسەنزياسىن الدى

بادمينتوننان ۇلتتىق قۇرامانىڭ سپورتشىسى دميتري پانارين پاريج وليمپياداسىنىڭ جولداماسىن جەڭىپ الدى.

دميتري پانارين وليمپيالىق رەيتينگتە 25 005 ۇپايمەن 31-ورىنعا شىقتى. سونداي-اق قازاقستان كوماندالىق ەسەپتە العاشقى 25 ەلدىڭ قاتارىنا كىردى.

ول ەلىمىزدىڭ بادمينتوننان بارلىق ساناتتاعى وليمپيالىق ويىنداردا سىنعا تۇسەتىن تۇڭعىش سپورتشىسى بولادى. بادمينتونشى وسىعان دەيىن 2018 جىلى ارگەنتينانىڭ استاناسى — بۋەنوس-ايرەس قالاسىندا وتكەن جاسوسپىرىمدەر وليمپياداسىندا سىنعا تۇسكەن. ەندىگى كەزەك ەرەسەكتەر اراسىنداعى باستى باسەكەگە كەلدى.

قازىر قازاقستان دەلەگاتسياسىندا 13 سپورت تۇرىنەن 33 ليتسەنزيا (31 سپورتشى) بار.

داستان كەنجالين،

استانا