SportPress.kz قازاقستان سپورت جاڭالىقتارى
بيىل 26 شىلدە مەن 11 تامىز ارالىعىندا وتەتىن پاريج وليمپياداسىنا ارنالعان ۇلتتىق قۇراما سپورتشىلارىنىڭ كيىمى قازاقستاندا تىگىلمەيدى. بۇل تۋرالى تۋريزم جانە سپورت ءمينيسترى ەرمەك مارجىقپاەۆ ايتتى، دەپ حابارلادى Halyq Uni.
فورما ساپالى بولادى دەپ سەنەمىز. سەبەبى، قاڭتاردا ۇلكەن كوميسسيا قۇرىلدى. ونىڭ ىشىندە 25 ادام بولدى. كوميسسيا قۇرامىنا الەم جانە وليمپيادا چەمپيوندارى، قوعام بەلسەندىلەرى ەندى. ءبىرىنشى كەزەڭدە 8 ديزاينەر قاتىستى. ناتيجەسىندە 6 فورمانىڭ ەسكيزىن تاڭداپ الدىق. الايدا ونىڭ اراسىندا دۇرىس فورما بولمادى. سوندىقتان ەكىنشى كەزەڭىن ۇيىمداستىردىق. ناتيجەسىندە سىزدەرگە كورسەتكەن فورمانى تاڭداپ الدىق، — دەدى ەرمەك مارجىقپاەۆ ءماجىلىس كۋلارىندا.
ءمينيستردىڭ ايتۋىنشا، قازاقستان سپورتشىلارىنىڭ وليمپياداعا ارنالعان كيىمدەرىن تىگۋگە مەملەكەت بيۋدجەتىنەن قارجى بولىنبەيدى. سپورتشىلارعا ارنالعان كيىم تولىقتاي دەمەۋشىلەردىڭ ەسەبىنەن تىگىلەدى.
كيىم ساپالى بولادى. سپورت كيىمىن يسپانيانىڭ Joma كومپانياسى تىگەدى. قارجى دەمەۋشىلەر ەسەبىنەن بولادى. جالپى، قازىر قانشا قارجى جۇمسالاتىنىن ايتا المايمىز. ازىرگە ناقتى سومانى بىلمەيمىز، ەسەپتەپ جاتىرمىز. الدىمەن پاريج وليمپياداسىنا قانشا سپورتشىمىز جولداما الاتىنىن ناقتىلاپ الايىق. قازىر قانجىعامىزدا 33 ليتسەنزيا بار. ول – 32 ادام. تاعى 50-70 ليتسەنزيا الامىز دەگەن سەنىم بار. وسىعان بايلانىستى قانشا قارجى كەرەكتىگىن قاراستىرامىز، – دەدى مينيستر.
كەشە تاعى ءبىر جولدامانى بادمينتوننان ۇلتتىق قۇرامانىڭ سپورتشىسى دميتري پانارين جەڭىپ الدى.
