SportPress.kz Qazaqstan sport jańalyqtary
Bıyl 26 shilde men 11 tamyz aralyǵynda ótetin Parıj Olımpıadasyna arnalǵan ulttyq qurama sportshylarynyń kıimi Qazaqstanda tigilmeıdi. Bul týraly týrızm jáne sport mınıstri Ermek Marjyqpaev aıtty, dep habarlady Halyq Uni.
Forma sapaly bolady dep senemiz. Sebebi, qańtarda úlken komıssııa quryldy. Onyń ishinde 25 adam boldy. Komıssııa quramyna álem jáne Olımpıada chempıondary, qoǵam belsendileri endi. Birinshi kezeńde 8 dızaıner qatysty. Nátıjesinde 6 formanyń eskızin tańdap aldyq. Alaıda onyń arasynda durys forma bolmady. Sondyqtan ekinshi kezeńin uıymdastyrdyq. Nátıjesinde sizderge kórsetken formany tańdap aldyq, — dedi Ermek Marjyqpaev Májilis kýlarynda.
Mınıstrdiń aıtýynsha, Qazaqstan sportshylarynyń Olımpıadaǵa arnalǵan kıimderin tigýge memleket bıýdjetinen qarjy bólinbeıdi. Sportshylarǵa arnalǵan kıim tolyqtaı demeýshilerdiń esebinen tigiledi.
Kıim sapaly bolady. Sport kıimin Ispanııanyń Joma kompanııasy tigedi. Qarjy demeýshiler esebinen bolady. Jalpy, qazir qansha qarjy jumsalatynyn aıta almaımyz. Ázirge naqty somany bilmeımiz, eseptep jatyrmyz. Aldymen Parıj Olımpıadasyna qansha sportshymyz joldama alatynyn naqtylap alaıyq. Qazir qanjyǵamyzda 33 lıenzııa bar. Ol – 32 adam. Taǵy 50-70 lıenzııa alamyz degen senim bar. Osyǵan baılanysty qansha qarjy kerektigin qarastyramyz, – dedi mınıstr.
Keshe taǵy bir joldamany badmıntonnan ulttyq quramanyń sportshysy Dmıtrıı Panarın jeńip aldy.
