Mańǵystaýdan qashan Olımpıada chempıony shyǵady?

Áleýmettik jeliden Mańǵystaý oblystyq dene shynyqtyrý jáne sport basqarmasynyń basshysy Maqsat Muqash Qaraqııa aýdany Jetibaı kentinde aýyl azamatymen sóılesip turǵanyn kórip qaldym. Ol Jetibaıda ne istep júr? Oblys ákimi Nurlan Noǵaev jas balany las saıasatqa ıtermeleı bermeı, Mańǵystaýdan Olımpıada chempıondaryn shyǵarýyna atsalyspaı ma? 

Marqum Bekzat Sattarhanov bokspen on bes jasynda aınalysyp, jastar arasynda Qazaqstan chempıony atanyp, jasóspirimder men jastar arasyndaǵy Azııa men álem chempıonatynda kúmis pen qola medalǵa ıe boldy. 2000 jyly Sıdneı Olımpıadasynda chempıon atandy.

Muhtarhan Dildábekov boks qolǵabyn on jeti jasynda kıip, Qazaqstan chempıonatynda top jaryp, Sıdneı Olımpıadasy men álem chempıonatynda kúmis medal aldy.

Aıtaıyn degenim, Mańǵystaý sport mektepterinde 7-10 jastaǵy balalar sportpen aınalysady. Áli kúnge deıin jasóspirimder jáne eresekter arasynda Olımpıada chempıony shyqpaı keledi. Oblysymyzdan Bekzat pen Ermahandaı Olımpıada chempıondaryn kórgimiz keledi.

Mańǵystaý oblysynyń sport basqarmasynyń basshysy Maqsat Muqash tizgin ustaǵaly da bes aıdan asty. Áli kúnge aýyldardy aralap, sport uıymdaryn tolyq tekserdi dep estimedim.

Keıbir aýdan-aýyldardaǵy eki sport mektebi bir mekeme bolyp jumys isteıdi. Sonyń biri Munaıly aýdany Basqudyq balalar-jasóspirimder sport mektebi bes jyldan beri bólinbegen. Odan qalsa, oblysqa bir mektep-ınternat-kolledji men jasóspirimder men jastar jáne eresekterge arnalǵan oqý-jattyǵý jıynyn ótkizetin bir sport bazasy qajet ekenin aımaq basshysy Nurlan Noǵaev bile me eken?

Bılik sportshylardy las saıasatqa aralastyrmasyn. Azamattarymyz arandap qalmasyn.

Aıbek MUHANOV,

Mańǵystaý oblysy