SportPress.kz قازاقستان سپورت جاڭالىقتارى
ساداق اتۋدان قىتايدىڭ شانحاي قالاسىندا ءوتىپ جاتقان الەم كۋبوگى كەزەڭىندە قازاقستان قۇراماسى العاشقى جۇلدەسىن جەڭىپ الدى، دەپ حابارلادى Olympic.kz.
بلوكتىق ساداق اتۋدان ايەلدەر اراسىنداعى كوماندالىق جارىستا قازاقستان قۇراماسى ەستونيالىق قارسىلاستارىن 231:224 ەسەبىمەن جەڭىپ، قولا مەدال يەلەندى.
ودان بولەك، شيرەك فينالدا ايەلدەر قۇراماسى وڭتۇستىك كورەيانى 234 : 230 ەسەبىمەن جەڭىپ، جارتىلاي فينالدا يتاليا قۇراماسىنا ءبىر ۇپاي ايىرماسىمەن ەسە جىبەردى.
الەم كۋبوگى كەزەڭىندە قازاقستان نامىسىن ادەل جەكسەنبينوۆا، ۆيكتوريا ليان مەن ايجان سەيداحمەتۆا قورعادى.
بۇل — ساداق اتۋدان قازاقستان ايەلدەر قۇراماسىنىڭ الەم كۋبوگى كەزەڭدەرىندە جەڭىپ العان العاشقى جۇلدەسى. بۇعان دەيىن كوماندا كۋبوگ جولىنداعى جاراستاردا مۇلدە مەدال الماعان.
