Rybakına kezekti týrnırin jeńispen bastady (VIDEO)

Álemniń tórtinshi jáne Qazaqstannyń birinshi raketkasy Elena Rybakına Ispanııanyń Madrıd qalasynda bastalǵan WTA 1000 týrnıriniń úshinshi kezeńine shyqty.

Ekinshi kezeńde Rybakına Italııanyń ókili Lıýchııa Bronettıdi eki sette 6:4, 6:3 esebimen jeńdi. Bronzettı birinshi aınalymda Franııanyń tennısshisi Varvara Grachevadan 6:3, 6:3 esebimen basym túsken edi.

Endi otandasymyz 1/16 fınalda Ýkraınanyń sportshysy Lena-Marta Kostıýk men mysyrlyq Maıar Sherıf Ahmed Sherıftiń arasyndaǵy oıynynyń jeńimpazymen synǵa túsedi.

Elimizdiń taǵy bir tennısshisi Anna Danılına Portýgalııanyń Oeırash qalasynda ótip jatqan ITF W100 týrnıriniń jartylaı fınalyna shyqty.

Jarystyń úshinshi raketkalary bolyp tirkelgen Danılına men nıderlandtyq Bıbıana Shoofs alǵashqy aınalymda rýmynııalyq Irına Bare men Krıstına-Andrea Mıtýdi 6:2, 6:2 esebimen jeńdi. Sodan keıin Anna Danılına men Bıbıana Shoofs shırek fınalda portýgalııalyq Ana-Fılıpa Santos men ıspanııalyq Lıýsııa Kortez Iorkten 6:3, 6:1 esebimen basym tústi.

Bul match bir saǵattan astam ýaqytqa sozyldy.

Anna Danılına men Bıbıana Shoofstyń jartylaı fınaldaǵy qarsylastary keıin belgili bolady.
Sonymen birge Qytaıdyń Shenchjen qalasynda jalaýy jelbiregen chellendjer týrnırinde Denıs Evseev shırek fınalǵa shyqty.

Ol ekinshi aınalymda álemniń 262-raketkasy, aýstralııalyq Fılıp Sekýlıchpen oınady.

Match tartysty boldy. Birinshi partııada Evseev taı-breıkte sátti oınap, 7:6 (7:3) esebimen, ekinshi set 6:3 esebimen jeńdi.

Endi Evseev jartylaı fınalǵa shyǵý úshin álemniń 223-raketkasy, estonııalyq Mark Laıal nemese reıtıngide 253-satydaǵy ulybrıtanııalyq Artýr Ferımen kezdesedi.

Dmıtrıı Popko AQSh-tyń Savanna chellendjer týrnıriniń shırek fınalyna joldama aldy.

Qazaqstandyq tennısshi ekinshi aınalymda dúnıejúzilik reıtıngide 248-orynda turǵan amerıkalyq Etan Kýınnyń mysyn basty.

Birinshi partııada Popko 6:4 esebimen basym tússe, ekinshisinde Kýınn qarymta qaıtardy. Esep  – 7:5. Sheshýshi, úshinshi sette Popko 6:3 esebimen jeńdi.

Dmıtrıı Popko jartylaı fınalǵa shyǵý úshin reıtıngide 252-satydaǵy nıderlandtyq Gııs Brývermen kúsh synasady.

Tımofeı Skatov Chehııanyń Ostrava qalasynda bastalǵan «Chellendjer» serııasynyń týrnıriniń ¼ fınalynda jergilikti tennısshi Zdenek Kolardyń alańǵa shyqpaýyna baılanysty jartylaı fınalǵa joldama aldy. Ol ½ fınalda germanııalyq Genrı Skvaıermen oınaıdy.

Dastan KENJALIN,

ASTANA