نىسانا كوزدەۋدەن ۇلتتىق قۇراما الەم كۋبوگىنىڭ فينالىنا شىقتى

ازەربايجاننىڭ استاناسى – باكۋ قالاسىندا نىسىنا كوزدەۋدەن الەم كۋبوگىنىڭ كەزەڭى باستالدى، دەپ حابارلادى تسم سپورتتى دامىتۋ ديرەكتسياسى.

جارىستىڭ العاشقى كۇنى ىرىكتەۋ ناتيجەسىندە (10 مەتر، تاپانشا) قازاقستان-2 قۇراماسى جاقسى ناتيجە كورسەتىپ، فينالعا جولداما الدى.

ەلدار يمانكۋلوۆ پەن ۆالەريا پوپەلوۆا سايىس كەزىندە 578 ۇپاي جيناپ، ەكىنشى ورىنعا يە بولدى.

ەندى بۇگىن ولار تۇركيا قۇراماسىنىڭ مەرگەندەرى سيمال يىلماز بەن يسمايل كەلەسپەن التىن جۇلدەنى ساراپقا سالادى.

وسى باعدارلامادا سىنعا تۇسكەن قازاقستان-1 كومانداسىنىڭ (ۆالەري راحيمجان مەن يرينا يۋنۋسمەتوۆا) مەدال ءۇشىن تالاسۋىنا  مۇمكىندىگى بار ەدى. ولار التىنشى ورىن الدى.

ۆالەري راحيمجانمەن يرينا يۋنۋسمەتوۆا دۋەتى قىتاي-2 جانە ۋكراينا-1 كومانداسى سياقتى 577 بالل العانىمەن، نىسانانىڭ ورتاسىن ءدال كوزدەۋ جاعىنان قارسىلاسقا ەسە جىبەردى.

بۇل كەزەڭ مىلتىق جانە تاپانشا ۇستاعان مەرگەندەر ءۇشىن ليتسەنزيالىق، ال ستەند اتۋ شەبەرلەرى ءۇشىن وليمپيادا رەيتينگىندە ۇپاي بەرىلمەيتىن جارىس سانالادى.

باكۋدە ەل نامىسىن بارلىعى 21 سپورتشى قورعايدى. وعان 84 ەلدەن 699 ادام قاتىسىپ جاتىر.