SportPress.kz قازاقستان سپورت جاڭالىقتارى
تەننيسشى جىبەك قۇلامباەۆا ءتۋنيستىڭ حاممامەت قالاسىندا ءوتىپ جاتقان ITF W35 ءتۋرنيرىنىڭ جارتىلاي فينالىنا شىقتى، دەپ حابارلادى قازاقستان تەننيس فەدەراتسياسى.
سپورتشى الدىمەن دۇنيەجۇزىلىك رەيتينگىدە 1351-ورىندا تۇرعان فرانتسيالىق ەمما ماززونيدەن 6:0، 6:2 ەسەبىمەن باسىم ءتۇستى. ودان كەيىن ەكىنشى اينالىمدا الەمنىڭ 362-ءىنشى، وسى جارىستىڭ 4-راكەتكاسى، شۆەيتساريالىق سيۋزان باندەچچيدى اسا تارتىستى باسەكەدە 6:3، 1:6، 7:6 (7:4) ەسەبىمەن جەڭدى.
قۇلامباەۆانىڭ شيرەك فينالداعى كەزدەسۋى دە وڭايعا تۇسكەن جوق. بۇل جولى ول رەيتينگىدە 753-ساتىداعى رەسەيلىك ديانا دەميدوۆادان 7:6 (8:6)، 6:4 ەسەبىمەن ايلاسىن اسىردى.
ەندى جىبەك قۇلامباەۆا فينالعا شىعۋ ءۇشىن الەمنىڭ 790-راكەتكاسى، جاپونيالىق يكۋمي يامادزاكيمەن كەزدەسەدى.
