Komanda Olımpıadaǵa jaqsy daıyndalyp jatyr – Myrzaǵalı Aıtjanov (VIDEO)

Bokstan Qazaqstan quramasy 13-18 mamyr aralyǵynda Astanada ótetin «Elorda kýbogi» týrnıri qarsańynda BAQ ókilderine arnap ashyq jattyǵý jıynyn ótkizdi.

Jıynǵa ulttyq quramanyń birinshi nómirli sportshylarynyń bári qatysyp jatyr. Ulttyq qurama komandanyń bas jattyqtyrýshysy Myrzaǵalı Aıtjanov BAQ ókilderine Olımpıadaǵa daıyndyqtyń qalaı ótip jatqanyn aıtty.

Onyń aıtýynsha, komandanyń «Elorda kýbogi» týrnıri men Olımpıadaǵa daıyndyǵy jaqsy.

«Elorda kýbogy» — elimizde ótetin eń iri halyqaralyq týrnırlerdiń biri. Bul synǵa jyl saıyn jer júziniń myqty degen boksshylary jınalady. Biraq bıyl boskshylar Olımpıadaǵa qatysatyn bolǵan soń, ár eldiń qurama komandasy Olımpıadaǵa irikteý týrnırlerine óz elderinde daıyndalyp jatyr. Sondyqtan biraz eldiń boksshylary kele almaıdy. Týrnırge jalpy esebi 8 memlekettiń bylǵary qolǵap sheberleri keledi dep josparlanyp otyr. Osynyń ózi bizdiń Parıjge baratyn boksshylar úshin úlken paıda. Árqaısysy 3-4 ret sharshy alańǵa shyǵyp, Olımpıadaǵa daıyndyǵyn bir saralap alady, — dedi ol.

Bas jattyqtyrýshy buǵan deıin Túrkistan oblysyndaǵy «Alma taý» bazasynda shet el boksshylarymen birge jattyqqanyn aıtty.

Bul jıynǵa О́zbekstan quramasynan Olımpıadaǵa qatysatyn tórt jigit qatysty. Tájikstannyń bir ókili, Kýba quramasy keldi. Jattyǵý jıyny kishigirim álem chempıonaty ótkendeı áser qaldyrdy. О́ıtkeni, onda  Olımpıadada baq synaıtyn sportshyla jınalyp, daıyndaldy.

Jattyǵý jıyny bárine de paıdaly boldy. Bizdiń maqsat — Olımpıada. Boksshylar Olımpıadada jaqsy óner kórsetý úshin baryn salyp, daıyndalyp jatyr, — dedi maman.

Myrzaǵalı Aıtjanovtyń aıtýynsha, «Elorda kýbogy» týrnırine ulttyq quramanyń birinshi, ekinshi jáne úshinshi nómirli sportshylary qatysady. Olardyń arasynda Olımpıadaǵa lıenzııa alǵan Sáken Bıbosynov (51 kg), Mahmud Sabyrhan (57 kg), Aslanbek Shymbergenov (71 kg), Nurbek Oralbaı (81 kg), Aıbek Oralbaı (92 kg) pen Qamshybek Qońqabaev (+92 kg) bar.

Týrnırde Qazaqstan quramasy kem-ketikti taǵy bir ret anyqtap alady. Ázerbaıjan men Japonııadan Olımpıadaǵa qatysatyn boksshylar keledi. Biraq О́zbekstan komandasy olımpııalyq quramyn jibergen joq. Ol elden de myqty boksshylar qatysady. О́zbekstan quramasy Reseıde ótetin halyqaralyq týrnırge barady.

«Elorda kýbogy» halyqaralyq týrnırine Qazaqstan sapynan 60-qa jýyq boksshy qatysady.

 

View this post on Instagram

 

A post shared by Kazakhstan Olympic Team (@olympickz)