Mahmud Sabyrhan: «Eger tóbelesý kerek bolsa, oǵan da daıynmyn» (VIDEO)

Astanada bokstan 13-18 mamyr aralyǵynda ótetin «Elorda kýbogy» týrnırine qatysatyn ulttyq qurama komandanyń tizimi jarııalandy.

Bas jattyqtyrýshy Myrzaǵalı Aıtjanovtyń aıtýynsha, týrnırge ulttyq quramanyń birinshi, ekinshi jáne úshinshi nómirli sportshylary qatysady. Olardyń arasynda Olımpıadaǵa lıenzııa alǵan Sáken Bıbosynov (51 kg), Mahmud Sabyrhan (57 kg), Aslanbek Shymbergenov (71 kg), Nurbek Oralbaı (81 kg), Aıbek Oralbaı (92 kg) pen Qamshybek Qońqabaev (+92 kg) bar.

2023 jylǵy álem chempıony Mahmud Sabyrhan da «Elorda kýbogy» týrnırinde qolǵap túıistirip, Olımpıadaǵa daıyndyǵyn synap kóredi. Ol basqa boksshylar sekildi 3-4 ret jekpe-jekke shyǵýdy josparlap otyr.

Boksshy 57 kelidegi úzdiktermen aıqasýǵa daıyn ekenin aıtty.

Jańa salmaqta biraz jarysqa qatysyp, ábden boı úırettim. Endigi maqsat — Olımpııalyq oıyndarǵa tynbaı jattyǵý. Bala kezden armandaǵan Olımpıadadan abyroımen oralsam degen armanym bar. Qarsylastar da ońaı emes. Kýba, О́zbekstan, Amerıka boksshylaryn basty qarsylas sanaımyn.

Qazir kez-kelgen taktıkaǵa daıyn bolý úshin ter tógip jatyrmyz. Eger tóbelesý kerek bolsa, oǵan da daıynbyz. Jaqynda baýyrym Tórehan Sabyrhan tórt dúrkin Azııa chempıony atandy. Endi osyndaı belester oǵan eresekte arasynda da baǵynsa degen tilegim bar,  — dedi Sabyrhan.

Buǵan deıin ol Túrkistan oblysyndaǵy «Alma taý» bazasynda shet el boksshylarymen birge jattyqty.

«Elorda kýbogy» halyqaralyq týrnırine Qazaqstan sapynan 60-qa jýyq boksshy qatysady. Al jalpy jarysqa 8 eldiń bylǵary qolǵap sheberleri keledi.

Dastan KENJALIN,

ASTANA

 

View this post on Instagram

 

A post shared by Kazakhstan Boxing Federation (@boxingkazakhstan)