تەننيستەن ءاچ: قازاقستان جاسوسپىرىمدەر قۇراماسى العاشقى جەڭىسىنە جەتتى

شىمكەنت قالاسىندا تەننيستەن جاسوسىپىرىمدەر اراسىندا ءوتىپ جاتقان الەم چەمپيوناتىندا قازاقستان قۇراماسى العاشقى جەڭىسىنە جەتتى، دەپ حابارلادى قازاقستان تەننيس فەدەراتسياسى.

Asia/Oceania Final Juniors Billie Jean King Cup ىرىكتەۋ ءتۋرنيرىنىڭ العاشقى كۇنى ەل قۇراماسى ۆەتنام كومانداسىن 3:0 ەسەبىمەن جەڭدى.

الدىمەن البينا كاكەنوۆا ۆەتنامدىق نگۋەنمەن كۇش سىناستى. وتانداسىمىز ودان  6:1، 6:1 ەسەبىمەن ايلاسىن اسىردى. سودان كەيىن اريانا گوگۋلينا ۆۋدان 6:1، 6:2 ەسەبىمەن باسىم ءتۇستى.

جۇپتىق باسەكەدە البينا كاكەنوۆا مەن ەۆا كورىشەۆامەن ۆۋ مەن كۆانگتى 6:0، 6:1 جەڭدى.

قازىر ا توبىندا قازاقستان ءبىرىنشى، جاپونيا ەكىنشى ورىندا كەلەدى. قوس كوماندادا ءۇش ۇپايدان بار.

بۇگىن ياروسلاۆا شۆەدوۆا جاتتىقتىراتىن جاسوسپرىمدەر قۇراماسى جاپونيا كومانداسىنا ەسە جىبەرگەن يندونەزيامەن وينايدى.