Elorda Cup: áıelder boksynan jeti sportshymyz fınalǵa shyqty (VIDEO)

Bokstan Astanada ótip jatqan «Elorda kýbogy» halyqaralyq týrnırinde fınalǵa shyqqan sportshylar anyqtaldy.

Qazaqstan sapyndaǵy 52 kelide Jazıra Oraqbaeva, Ánel Saqysh (54 kg), Karına Ibragımova (57 kg), Vıktorııa Grafeeva (60 kg), Mılana Safronova (66 kg), Lázzat Kúngeıbaeva (+81 kg) men 60 keli salmaqtaǵy Vıktorııa Grafeeva qarsylastaryn jeńip, fınalǵa shyqty.

Endi fınalda Vıktorııa Grafeeva jartylaı fınalda Ásem Tańatardy jeńgen úndi boksshysy Manısha Manıshamen kezdesedi.

54 keli salmaqta Ánel Saqysh Dına Jolamandy jeńdi. 57 kelide  de otandastarymyz qolǵap túıistirdi. Bul salmaqta Parıj Olımpıadasyna qatysatyn Karına Ibragımova Vıktorııa Baıdýkovadan basym tústi.

Basqa jeńil salmaqtaǵy sportshylarymyz jeńildi. Atap aıtqanda, 48 kelide Gúlnaz Býrıbaeva Úndistannyń ókili Mınakshı Mınakshıge, Áıgerim Sáttibaeva ózbektsandyq Saıdahon Rahmonovaǵa, 50 kg salmaqta Gúlnar Turapbaı úndi Anamıka Anamıkaǵa, 52 kelide Tomırıs Myrzaqul da taǵy bir Úndistannyń boksshysy Nıhat Zarınge ese jiberse, Sánııa Sultanqyzy (54 kg) qytaılyq Iýan Changten jeńildi.

Týrnırde qola júldeger bolǵandardyń biri – Áıgerim Sáttibaeva belgili boksshy Oljas Sáttibaevtyń zaıyby, jazýshy, jýrnalıst Kósemáli Sáttibaıulynyń kelini.

Dastan KENJALIN,

ASTANA

 

View this post on Instagram

 

A post shared by Kazakhstan Boxing Federation (@boxingkazakhstan)