قازاقستان يندورحوككەيدەن  ازيا كۋبوگىنىڭ كۇمىس جۇلدەگەرى اتاندى

يندورحوككەيدەن ايەلدەر اراسىندا تايلاندتىڭ چونبۋري قالاسىندا ءوتىپ جاتقان ازيا كۋبوگىندا قازاقستان قۇراماسى كۇمىس جۇلدەنى يەلەندى، دەپ حابارلادى تسم سپورتتى دامىتۋ ديرەكتسياسى.

ۇلتتىق قۇراما فينالدا الاڭ يەسى – تايلاندتىڭ كومانداسىنان 2:6 ەسەبىمەن جەڭىلدى.

جابىق عيماراتتاعى كوگالداعى حوككەيدى يندورحوككەي  دەپ اتايدى.  بيىلعى ازيا كۋبوگىندا سپورتتىڭ وسى تۇرىنەن ايەلدەر قۇراماسى توپتىق كەزەڭدە ا توبىندا سىنعا ءتۇستى.

جارىستا قۇراما كوماندا ۆەتنامدى 28:0، مالايزيانى 5:1، وماندى 8:0، يراندى 5:1 ەسەبىمەن جەڭدى.

ودان كەيىن جارتىلاي فينالدا يندونەزيامەن نەگىزگى ۋاقىتتا  3:3 ەسەبىمەن تەڭ ءتۇسىپ، بۋلليتتە جەڭىسكە جەتتى. وسىلايشا فينالعا جولداما العان ەدى.

ازيا كۋبوگىندا ءۇشىنشى ورىندى مالايزيا كومانداسى جەڭىپ الدى. ولار قولا جۇلدە ءۇشىن ويىندا يندونەزيادان 4:0 ەسەبىمەن ايلاسىن اسىردى.

ەندى 21-25 مامىر ارالىعىندا تالدىقورعان قالاسىندا ەرلەر اراسىندا ازيا كۋبوگىنىڭ جالاۋى كوتەرىلەدى.

يندورحوككەيدەن ەلىمىزدىڭ ايەلدەر قۇراماسى 2010، 2012، 2014، 2015، 2017، 2019 جىلداردا التى مارتە چەمپيون اتانسا، 2009، 2024 جىلداردا كۇمىس مەدالدى قاناعات تۇتتى.