Qazaqstan ındorhokkeıden  Azııa kýbogynyń kúmis júldegeri atandy

Indorhokkeıden áıelder arasynda Taılandtyń Chonbýrı qalasynda ótip jatqan Azııa kýbogynda Qazaqstan quramasy kúmis júldeni ıelendi, dep habarlady TSM Sportty damytý dırekııasy.

Ulttyq qurama fınalda alań ıesi – Taılandtyń komandasynan 2:6 esebimen jeńildi.

Jabyq ǵımarattaǵy kógaldaǵy hokkeıdi ındorhokkeı  dep ataıdy.  Bıylǵy Azııa kýbogynda sporttyń osy túrinen áıelder quramasy toptyq kezeńde A tobynda synǵa tústi.

Jarysta qurama komanda Vetnamdy 28:0, Malaızııany 5:1, Omandy 8:0, Irandy 5:1 esebimen jeńdi.

Odan keıin jartylaı fınalda Indonezııamen negizgi ýaqytta  3:3 esebimen teń túsip, býllıtte jeńiske jetti. Osylaısha fınalǵa joldama alǵan edi.

Azııa kýbogynda úshinshi oryndy Malaızııa komandasy jeńip aldy. Olar qola júlde úshin oıynda Indonezııadan 4:0 esebimen aılasyn asyrdy.

Endi 21-25 mamyr aralyǵynda Taldyqorǵan qalasynda erler arasynda Azııa kýbogynyń jalaýy kóteriledi.

Indorhokkeıden elimizdiń áıelder quramasy 2010, 2012, 2014, 2015, 2017, 2019 jyldarda alty márte chempıon atansa, 2009, 2024 jyldarda kúmis medaldi qanaǵat tutty.