Elorda Cup: 14 boksshymyz jeńiske jetti (VIDEO)

Astanada bokstan 12 mamyrda bastalǵan III Elorda Cup týrnıri máresine jetti.

Jarysta 24 salmaqta jeńimpaz anyqtalyp, 8 boksshy byltyrǵy jeńimpaz ataǵyn qorǵap qaldy.

Olar: Sáken Bıbosynov (51 kg), Mahmud Sabyrhan (57 kg),  Havasbek Asadýllaev (71 kg, О́zbekstan), Toqtarbek Tańatqan (80 kg, Qytaı), Saǵyndyq Toǵambaı (92 kg),  Iý Vý (50 kg, Qytaı, byltyr basqa salmaqta top jarǵan), Vıktorııa Grafeeva (60 kg, byltyr basqa salmaqta jeńimpaz bolǵan), Gıan Lı (Qytaı).

Týrnırde erler arasynda Qazaqstan quramasy jalpykomandalyq esepte  9 altyn, 8 kúmis, 14 qola júlde alyp, birinshi orynǵa shyqty. Ekinshi orynǵa 1 altyn, 2 kúmis, 2 qola medalmen О́zbekstan boksshylary, 1 altyn men 1 kúmis júldemen Qytaı sportshylary úshinshi oryndy ıelendi.

Áıelder arasynda birinshi orynǵa 5 altyn, 5 kúmis, 11 qola medalmen Qazaqstan, ekinshi orynǵa4 altyn, 1 qola júldemen Qytaı, úshinshi orynǵa 2 altyn, 2 kúmis, 4 qola medalmen Úndistan komandasy ıe boldy.

Erler arasynda Sáken Bıbosynov (51 kg), Karım Serkebaev (54 kg), Mahmud Sabyrhan (57 kg), Talǵat Syrymbetov (60 kg), Nurbek Mýrsal (67 kg), Tımýr Nurseıitov (75 kg), Nurbek Oralbaı (86 kg), Saǵyndyq Toǵambaı (92 kg) jáne asa aýyr salmaqtaǵy Qamshybek Qońqabaev jeńimpaz atandy.

Áıelder arasynda Karına Ibragımova (57 kg), Vıktorııa Grafeeva (60 kg), Aıda Ábikeeva (63 kg), Mádına Nurysheva (70 kg) men 81 keliden aýyr salmaqta Eldana Talıpova altyn medaldi jeńip aldy.

Qamshybek Qońqabaev pen 54 kelidegi Iýan Chang (Qytaı) týrnırdiń eń úzdik boksshysy boldy.

Týrnırde 155 jekpe-jek ótkizilip, 13 aıqas tehnıkalyq nokaýtpen aıaqtaldy. 4 kezdesýde nokaýt tirkeldi.

11 jekpe-jekte qarsylas rıngke shyqpady. Nátıjesinde Sáken Bıbosynov, Karım Serkebaev, Mahmud  Sabyrhan, Qamshybek Qońqabaev fınalda aıqaspaı jeńipaz atandy.

Olımpıada joldamasynyń ıegerleri Nurbek Oralbaı, Aıbek Oralbaı jańa salmaqta sharshy alańǵa shyqty.

10 álem chempıony jáne 20-ǵa jýyq Parıj Olımpıadasynyń joldama ıegerleri júldege talasty.

71 kg salmaqta О́zbekstan sapynan aýysqan Aman Qonysbekov birinshi ret Qazaqstan týy astynda judyryqtasty.

Jarysta birinshi orynǵa  700 dollar, ekinshi orynǵa 400 dollar, úshinshi orynǵa 200 dollar syıaqy berildi.

Dastan KENJALIN,

ASTANA

 

View this post on Instagram

 

A post shared by Assem Shalgumbayeva | Content creator | Almaty-Astana (@asbayeva)