ميلاد كاريمي سپورتتىق گيمناستيكادان العاش رەت ازيا چەمپيونى اتاندى

سپورتتىق گيمناستيكادان ۇلتتىق قۇراما كوشباسشىسىنىڭ ءبىرى ميلاد كاريمي وزبەكستاننىڭ استاناسى – تاشكەنت قالاسىندا ءوتىپ جاتقان ازيا چەمپيوناتىندا التىن جۇلدەنى جەڭىپ الدى، دەپ حابارلادى تۋريزم جانە سپورت مينيسترلىگىنىڭ سپورتتى دامىتۋ ديرەكتسياسى.

ميلاد كاريمي كەرمەدەگى جاتتىعۋدا ەڭ كوپ ۇپاي جيناپ (15.033 بالل)، بيىلعى سارى قۇرلىق چەمپيوناتىنداعى ءۇشىنشى مەدالىن يەلەندى. ول وسىعان دەيىن كوپسايىس پەن ەركىن جاتتىعۋدا كۇمىس جۇلدە العان.

بۇل — 24 جاستاعى سپورتشىنىڭ  قۇرلىق چەمپيوناتىنداعى سەگىزىنشى جۇلدەسى (1 التىن، 3 كۇمىس، 4 قولا مەدال).