Tennısten jasóspirimder quramasy álem chempıonatyna joldama aldy

Tennısten Qazaqstan jasóspirimder quramasy Shymkent qalasynda 16 jasqa deıingiler arasynda ótip jatqan Devıs kýbogy Azııa – Tynyq muhıt aımaǵy boıynsha irikteý týrnırinde jeńiske jetti, dep habarlady Qazaqstan tennıs federaııasy.

Shırek fınalda Sergeı Kvak jasaqtaǵan komanda álemdegi úzdik quramalardyń biri, jasóspirimder arasynda Devıs kýbogynyń alty dúrkin chempıony Aýstralııa quramasyn 2:0 esebimen jeńdi.

Matchta áýeli el quramasyna Damır Jalǵasbaı Kemeron Bertondy 6:3, 6:0 esebimen jeńip, upaıdy syılady. Sodan keıin Zańǵar Nurlanuly «Úlken dýlyǵa» týrnıriniń eki dúrkin jeńimpazy Lleıton Hıýıttyń uly – Krýz Hıýıten 6:1, 6:0 esebimen basym tústi.

Byltyr da shırek fınalda Qazaqstan quramasy Aýstralııany 2:0 esebimen jeńgen edi. Osylaısha, Qazaqstan jasóspirimder komandasy aldaǵy kúzde 16 jasqa deıingiler arasynda Devıs kýbogynyń fınaldyq kezeńinde ekinshi jyl qatarynan baq synaıdy.

Erteń jasóspirim tennısshiler jartylaı fınalda Koreıa nemese Gonkong quramasymen kezdesedi.