قازاقستان دزيۋدودان الەم چەمپيوناتىن ءبىر قولا جۇلدەمەن اياقتادى (ۆيدەو)

دزيۋدودان قازاقستاننىڭ ايەلدەر جانە ەرلەر قۇراماسى بىرىككەن اراب امىرلىكتەرىندە ءوتىپ جاتقان الەم چەمپيوناتىندا ارالاس كوماندالىق جارىستى اياقتادى.

قازاقستان قۇراماسى ءبىرىنشى اينالىمدا گەرمانيامەن كەزدەسىپ، 2:4 ەسەبىمەن جەڭىلىپ قالدى.

ەل قۇراماسى ساپىندا كاميلا بەرلىقاش پەن ەراسىل قاجىباەۆ قانا قارسىلاستارىن جەڭدى.  ال ەكاتەرينا توكارەۆا، ايدار اراپوۆ، باقىت قۇساقباەۆا مەن دارحان قويباعان قارسىلاستارىنا ەسە جىبەردى.

وسىلايشا، قازاقستان قۇراماسى الەم چەمپيوناتىن ءبىر قولا جۇلدەمەن اياقتادى. كوماندا ساپىندا ءابيبا ابۋجاقىنوۆا عانا قولا جۇلدەگەر اتاندى.

داستان كەنجالين،

استانا

 

View this post on Instagram

 

A post shared by Official page (@qazsport_official)