Qazaqstan voleıboldan Challenge Cup týrnıriniń fınalyna shyqty

Voleıboldan Qazaqstan áıelder quramasy Fılıppınniń astanasy – Manıla qalasynda ótip jatqan Challenge Cup týrnıriniń fınalyna shyqty, dep habarlady Týrızm jáne sport mınıstrliginiń Sportty damytý dırekııasy.

Qurama komanda óz oıynyn taýyp, jaqsy nátıjemen jankúıerlerdi qýantyp jatyr.

Endi komanda kapıtany Sana Anarqulova bastaǵan qurama alań ıelerin 3:0 (25-23, 25-21, 25-14) esebimen aıqyn basymdyqpen jeńgen soń, týrnırdiń jeńimpaz ataǵyn úshin kúsh synasady.

Matchta eń kóp upaıdy Sana Anarqulova jınady (19 ball). Odan keıin Svetlana Nıkolaeva 11 upaı aldy.

Rıshat Gılıazýtdınov jattyqtyratyn qurama komanda týrnırdiń toptyq kezeńinde Indonezııa, Gonkong, Sıngapýrdy oısyrata jeńgen bolatyn. Al ekinshi matchta Challenge Cup-tyń qazirgi chempıony Vetnamǵa jeńilýge májbúr boldy.

Endi 29 mamyrda Astana ýaqytymen saǵat 16:00-de fınalda Qazaqstannyń qarsylasy anyqtalady.

Qazaqstan quramasy Challenge Cup dodasyna alǵash ret qatysyp jatyr. Fınaldy Qazsport telearnasy tikeleı efırde kórsetedi.