رىباكينا «رولان گارروس» ءتۋرنيرىنىڭ فينالىنا جاقىنداپ كەلەدى

ەلىمىزدىڭ ءبىرىنشى راكەتكاسى ەلەنا رىباكينا فرانتسيانىڭ پاريج قالاسىندا ءوتىپ جاتقان «رولان گارروس» ءتۋرنيرىنىڭ ءتورتىنشى اينالىمىندا ۋكراينالىق ەلينا سۆيتولينانى 6:4، 6:3 ەسەبىمەن جەڭدى، دەپ حابارلادى قازاقستان تەننيس فەدەراتسياسى.

وسىلايشا الەمنىڭ ءتورتىنشى راكەتكاسى قارسىلاسىنا 2021 جىلى توكيو وليمپياداسىندا قولا مەدال ءۇشىن ويىنداعى كەتكەن ەسەسىن قايتاردى.

ەندى ەلەنا رىباكينا جارتىلاي فينالعا شىعۋ ءۇشىن رەسەيلىك ەلينا اۆانەسيانمەن نەمەسە يتاليالىق ياسمينە پاولينيمەن وينايدى.

تەننيسشى فرانتسيانىڭ بيىلعى اشىق چەمپيوناتىندا ءالى بىردە ءبىر سەتتە جەڭىلگەن جوق.