Elena Rybakına: «Olımpıadada bar kúshimdi jekeleı synda jeńýge jumsaımyn»

Álemniń tórtinshi, elimizdiń birinshi raketkasy Elena Rybakına tennısten Parıj qalasynda ótip jatqan Franııanyń ashyq chempıonaty kezinde BAQ ókilderiniń suraqtaryna jaýap berip, aldaǵy jospary týraly aıtty, dep habarlady Qazaqstan tennıs federaııasy.

Buǵan deıin habarlanǵandaı, Rybakına ýkraınalyq Elına Svıtolınany 6:4, 6:4 esebimen jeńip, odan Tokıo Olımpıadasy kezinde ketken eseni qaıtaryp, «Rolan Garros» týrnıriniń shırek fınalyna shyqqan bolatyn. Endi ol ¼ fınalda Italııanyń ókili Iasmıne Paolınımen kúsh synasady.

Tennısshi BAQ ókilderimen kezdesýde  ıtalııalyq qarsylasynyń ońaı shaǵylatyn jańǵaq emestigin ashyq aıtty. Biraq, ony da jeńýge tyrysatynyn jasyrmady.

Biz sońǵy ret Shtýtgartta oınadyq. Match úsh setke sozyldy. Men esep boıynsha alǵa shyqqanymmen, ol jaqsy qımyldap, dopty qatty soǵyp, qaıtaryp otyrdy. Aıaqty shıraq qımyldatýǵa týra keldi.

Biz bir-birimizdi jaqsy bilemiz. Ol tennısti jaqsy oınaıdy. Maǵan Elınamen match óte qıyn boldy. Endi bárin ýaqyt kórsetedi, – dedi Rybakına baspasóz máslıhatynda.

Odan keıin ol Olımpıadada jekeleı synda bar kúsh-jigerin jumsap, jeńiske jetýge tyrysatynyn aıtty. .

Árıne, Olımpıadanyń chempıony bolý barlyq sportshynyń armany, ómirdegi basty maqsaty. Ázirshe men osy «Rolan Garros» týraly ǵana oılap júrmin. Maǵan osy jarysta barlyq qyrynan kórinip, jankúıerdiń senimin jeńip alý mańyzdy bolyp tur.

Qazir men kelesi matchqa daıyndalyp júrmin. Iasmıne Paolınıdi tórtinshi aınalymda jeńsem, ári qaraı bári belgili bolady. О́te jaqsy oınap júrmin dep aıta alamyn. Uıqy men densaýlyǵyma baılanysty alańdaýshylyq boldy. Sońǵy aptada salmaǵymdy azdap túsirdim.  Degenmen ózimdi tamasha sezinemin. Oıyndardy eki setpen bitirip kele jatqanyma qýanyshtymyn!, – dedi ol.

Taǵy da eske sala ketsek, Rybakına Franııanyń bıylǵy ashyq chempıonatynda áli birde-bir sette jeńilgen joq.